Rutu 3:3 - ICIGHAN BIBILO

³ Yô, ôô iyol, shighe mkurem, haa akondo iyol, za hen vande u gbiren iyiav; kpa de pasen iyol you hen or la ga, saa shighe u una ya kwagh man una ma kwagh kera ve.

Rutu 3:3 Iomraidhean Croise

2 Samuel 12:20

Nahan Davidi kighir hen inya mough, za ôô iyol, shighe mkurem iyol, haa akondo agen, a za nyôr ken iyou i TER, a gure inya; tsô a hide hen ya na; zum u a sôn kwaghyan yô, i va ver un, a ya je.

2 Samuel 14:2

Yoabi tindi loho hen Tekoa, i za va un a kwase u fan kwagh, a kaa a kwase la er: Shi er er u ngu zungwen ku nahan, ta ikondo uya, mkurem kpaa de shigh iyol ga, kpa er, er kwase u a zungu ku ica i gbe yô.

Eseter 5:1

Tsô, sha iyange i sha utar la, Eseter haa akondo a na a tor, za tile ken tembe u ken atô u ya u tor, sha ishigh ki tor; yô, tor tema sha ikônough ki torough ken iyou i tor, ver ishigh vegher u sha hunda u iyoughough.

Upasalmi 104:15

man zar u wain sha u nan or msaanyol, man mkurem sha u engem or ishigh, man ruam sha u taver or ishima yô.

Orpasenkwagh 9:8

Akondo a ou a̱ kungun gbem, mkurem kpaa ma̱ de banen we sha ityou ga.

Esekiel 16:9

Nahan M ôô u sha mnger, M ôô awambe a ou kera purututu, man M shighe u mkurem.

Mateu 6:17

Kpa we yô, shighe u wea hôron kwaghyan la, shighe mkurem sha ityou, ôô ishigh you,

Rutu 3:2

Boashi u u lu a ônkasev mba shiren un imôngo la, kera ka anmgbian wase gaa? Nenge, ngu tan shair nyian tugh hen ijiir i gbiren iyiav.

Rutu 3:4

Tsô shighe u una za yav yô, ver ishima fa ijiir i una yav la; yô, za za bugh un ikondo sha angahar kera, yav; tsô una kaa u kwagh u ú er yô.