Rutu 3:12 - ICIGHAN BIBILO

¹² Mimi je, mo m ngu orpaan; nahan kpaa, orpaan ugen u a hembe lun ikua ikua a mo ngu.

Rutu 3:12 Iomraidhean Croise

Mateu 7:12

Akaa cii a i sar ne ka ior ve̱ er ne yô, ne kpaa er nen ve di nahan je, gadia ka atindiakaa kua uprofeti je la.

1 Mbatesalonika 4:6

Ma or môm nana̱ de kera tsughun anmgbian u nan sha kwagh ne, nana̱ eren nan kwagh u vihin ga, gadia Ter ka u oron iyev sha akaa ne cii er se vande kaan ne shi se pase ne nahan kpaa.

Rutu 2:20

Naomi kaa a kwase u wan na er: TER A̱ ver un dedoo, wen u a de u tesen mbaumav kua mbakpenev kpaa, erdoo na ga la. Naomi shi kaa a na er: Or la ka anmgbian wase u ikua ikua je, man shi ka or môm ken mba vea fatyô u paan kwagh wase kpaa.

Rutu 3:11

Hegen yô, wan wam, de cie ga, hanma kwagh u u kaa, me er u; gadia hundagar u ior av cii fa er u lu kwase u injaa yô.

Rutu 3:13

Tsa nyian tsô; sev a av yô, aluer una soo u paan we yô, doo, a̱ gba paan tsô, kpa aluer una soo u paan we ga yô, mo me paa u mimi, er TER A lu u uma ne; gba yaven tsô, sev mbu̱ av ve.

Rutu 4:1

Tsô Boashi mough za hen hundagar, za tema her; yô, orpaan u Boashi ter kwagh na la, gba va karen; a gema a kaa er: We, via la, va va tema heen yôô. Tsô a va, a va tema inya.

Rutu 4:4

man mo yô, m hen mer, me pase u kwagh shon; yô, yam u sha ishigh ki mba ve tem heen ne, man sha ishigh ki mbavesen mba ior av. Wea paan u yô, paa ase; man aluer wea paan u ga yô, kaam sha er me fa yô; gadia orgen u paan ngu ga saa we; a lu we ga yô, saa shi ka mo je. Tsô a kaa er: Me paa u.