12 Yô, TER A̱ er a we dedoo sha aeren a ou la, ma u zough a injar i kuman gbing gbing hen TER Aôndo u Iserael u u ve u va ker ijiir i memen shin akper a Na yô.
Zungwem mhôônom, Aôndo, zungwem mhôônom, gadia ka ken a We, uma wam a yer ye, een, ka ken mure u akper a Ou me yer ye, zan zan akaavihin ne aa kar kera.
Tsô ior vea kaa er: Mimi je, injar i orperapera ngi, mimi je, Aôndo u ôron tar ijir ngu. Ngun ka sha ci u orhemen u mbawanatsam; i ver un sha ikenge i: De timin ga. Ka icam i Davidi, zum u Saulu tindi er i̱ za kura iyou sha ci u wuan un la
TER ngu kaan nahan er: Yange imo you mliam, man ashe ou kpaa a̱ de kera hee mliam ga, gadia á na u injar sha tom wou, kape TER A kaa ne; man vea due ken tar u mbaihomov vev vea hide.
Yerusalem, Yerusalem, we u u woo uprofeti man u te mba i tindi ve her a we, awen ne; ka acin a me je man i lum pe kohol ônov er ngôikegh ka a kohol ônov nav shin akper a na nahan, kpa ne rumun ga!
Ver nen ishima sha perapera wen la, de eren nen un sha ishigh ki iorough i̱ lu sha ci u ve̱ nenge ga; á lu nahan yô, ne kera mba a injar hen Ter wen u A lu Sha la ga.
Kpa mbaihomov enev ve̱ doo ne ishima, eren nen a ve doo doo, pwaren nen kwagh, kpa de veren nen ishima u shi ngohol kpee ga; nahan injar yen ia lu i vesen je, man né lu ônov mba Uhembansha ye; gadia Wen yô, eren dedoo a mba ve lu a ishughun ga kua mbabov kpaa.
Ma or nana̱ de bundu ne injar ga, ka injaor i i doo nan u hiden a iyol i nan ijime man shi u civir mbatyomov mba Shaav, man u ôron akaa a i pase nan sha mpase u sha mnenge la vighe vighe, man u gban gengese iyol i nan sha kwaghfan u iyolough gbilin tsô,
Á fatyô u doon Aôndo ishima ga, saa sha jighjigh u nan. Gadia or u nan kporom hen Aôndo yô, ka u nana na jighjigh keng er ngu, man shi Un ne mba ve lu keren Un la injar.
Aôndo ban a perapera ga. Tom wen ua hungul Un ga, shin dooshima u ne tese sha ci u iti Na kpaa ga er ne lu eren uicighanmbaiorov tom shi ne mba eren her kpaa.
Kpa Rutu kaa er: De zem iyol wer, m̱ de u zan a we, m̱ undu u, m̱ hide ga; gadia henpe ú za cii, mo kpaa me za; henpe ú za tsa la, ka her mo kpaa me tsa ye; ior ou ka ior av; Aôndo wou kpaa ka Aôndo wam;
Boashi gema kaa a na er: I pasem kwagh u u er a ngô u nomu la wanger wanger, er nomu kpe kera la; man er u undu teru man ngôu man tar u i mar u ker kpaa, man u va hen ior mba u vande fan ve ga yô.
Tsô a kaa er: Mhôônom kôr u a mo terem, gayô, u surum ishima u ôr kwagh u dedoo a wanye wou u kwase, shin er m lu er mô kwase u ken kasev mba shiren we ga nahan kpaa.
Una taver uma wou shi una koson we ken iyolbeen you kpaa; gadia kwase u wan wou, u u doo un ishima la, u a hembe u ônov mba nomso utaankaruhar ne, a mar un.