Rutu 1:2 - ICIGHAN BIBILO

² Iti i or la er Elimeleki man iti i kwase na er Naomi, man ati a ônov nav mba nomso mba uhar mbala yô, er, Malon man Kilion; ve lu ior i Eferata ken Betelehem u ken Yuda la. Ve va ken tar u Moabi, ve va tema ker.

Rutu 1:2 Iomraidhean Croise

Genese 35:19

Rahel maa kpe, i ii un hen gbenda u zan Eferata, ka Betelehem je la.

Mika 5:2

Kpa we Betelehem-efarata, er u lu kpeghee ken ikwe i Yuda, nahan kpaa ka ken a we or una duem, u una lu Orkurantar ken Iserael ye, mdugh Na hii tsuaa je sha ayange a ngise ngise la.

Mbaajiriv 17:7

Yô, wanyekwaor ugen lu ken Betelehem u ken Yuda ken tsombor u Yuda, un lu Orlevi, gema lu shir heregh.

Mbaajiriv 3:30

Nahan sha iyange la je Moabi hingir sha ikev i Iserael. Tsô tar la zua a mmem anyom akunduanyiin.

Rutu 1:3

Tsô Elimeleki nom u Naomi la kpe undu un a ônov nav mba nomso mba uhar mbala.

Rutu 1:5

Tsô Malon man Kilion, ve uhar cii, ve kpe; nahan mase shin kwase la; ônov nav mba uhar kua nom na kera lu ga.

Rutu 2:1

Naomi lu a anmgbian u nom na, lu shagbaor, ken tsombor u Elimeleki, iti na er Boashi.

Rutu 4:9

Tsô Boashi kaa a mbavesen kua ior cii er: Ne mbam shiada nyian, er akaa a Elimeleki cii, man akaa a Kilion kua a Malon kpaa m yam a, a Naomi yô.

1 Samuel 1:1

Orgen lu ken Ramataim-sofim, u sha tar u iwoogh u Eferaim, iti na er Elkana, wan u Yeroham, wan u Elihu, wan u Tohu, wan u Sufi, or u Eferaim;

1 Samuel 17:12

Davidi lu wan u or u Eferata, or u Betelehem u ken Yuda, u i yer iti na er Yese la; lu a ônov anigheni mba nomso; or la lu orbeenyol je sha ayange a Saulu la, tsa sha won ayange ngee.

1 Samuel 17:21

Iserael man Mbafiliti ve tange ityav, ikumutya ver ishigh sha ikumutya.