Rutu 1:13 - ICIGHAN BIBILO

¹³ nahan kpaa, ma ne kegh zan zan ma ve vese he? Kwagh ne una er, ne gba lun a noov ga tsô? Ei, ônov av, ishima i vihin yam hemba i yen, gadia uwegh ku TER ku ihom a mo.

Rutu 1:13 Iomraidhean Croise

Genese 38:11

Tsô Yuda kaa a Tamar, kwase u wan na la, er: Gba teman kwasecôghol ken ya u teru tsô, zan zan Shela wan wam á vese ve; gadia a kaa er: Un kpaa a̱ de kpeen er anngôôv nav nahan ga. Tsô Tamar yem za tema hen ya u ter na.

Yobu 19:21

Yô, zungwem mhôônom, zungwem nen mhôônom, ne ahur a am; gadia uwegh ku Aôndo ta sha a mo.

Upasalmi 32:4

gadia tugh man tetan kpaa, uwegh Ough kighir mo, mshiam am uma, hingir er ka sha mtsee u inyom yô. Sela.

Upasalmi 38:2

Gadia avaan a Ou nyôr temam ken iyol je, uwegh Ough kpaa, kighir mo.

Duteronomi 2:15

Gadia uwegh ku TER lu ihom a ve, A tim ve ken afo kera, ve kpe je, ve bee.

Mbaajiriv 2:15

Hanma ijiir i ve lu zan cii, uwegh ku TER lu ihom a ve sha u eren ve kwagh u bo, er TER kaa yô, man er TER bum a ve kpaa; nahan ican er ve tsung.

Rutu 1:12

Hide nen, ônov av, gba yemen nen tsô; gadia m bee iyol m gande nom; shin aluer me kaa mer, m ngu veren ishima her, ma m zough a nom tugh mbun je, ma m mar ônov,

Rutu 1:14

Nahan shi ve vaa genger genger; tsô Orpa suse ngô u nom na zwa, kpa Rutu yô, var a na.

Rutu 1:21

Iyange m mough hen ijiir ne, m lu ave kiva kiva, kpa TER hide a mo aveve; man ka nyi ne yerem ner Naomi, er TER A pase er Un vendem, man Uhembanagee cii A erem icanaa?

1 Samuel 5:11

Tsô ve kohol utor mba Mbafiliti cii, ve kaa er: tindi nen areki u Aôndo u Iserael ne a̱ hide hen ijiir na, a̱ de kera woo se a ior asev nahan ga. Gadia gar cii nzughul sha mcie je ar ken ku; uwegh ku Aôndo yuhwa kpishi heregh.