Orpasenkwagh 9:11 - ICIGHAN BIBILO

¹¹ M shi m gema, m nenge shin tar, ayem a gban ka or u fefa nan hembe ga, ityav kpaa ka or u taver nan hembe ga, kwaghyan kpaa ngu sha ci u mbafankwagh ga, inyaregh kpaa ki sha ci u mbakavenkwagh ga, icivir kpaa ngi sha ci u mbahemban fan kwagh ga; gadia shighe man aikôr mba ve sha gbenda ve cii.

Orpasenkwagh 9:11 Iomraidhean Croise

2 Samuel 17:14

Tsô Abesalom kua ior i Iserael cii ve kaa er: Mhen u Hushai Orarkiti ne, hemba mhen u Ahitofel. Gadia TER ver u i̱ bunde mhen u injaa u Ahitofel la, sha er TER Una va a kwaghbo sha Abesalom yô.

2 Samuel 17:23

Zum u Ahitofel nenge i er sha mhen na ga yô, a kange jaki na shidi a mough a hide ken ya, ken gar na, a sôr akaa ken ya na, tsô a sende iyol na, a kpe, i ii un shin uwar u ter na.

2 Kroniku 20:15

nahan a kaa er; Ver nen ato, ne Mbayuda cii, man ne mba ne tem ken Yerusalem, man we tor Yehoshafati kpaa; TER ngu kaan a ven nahan er: De cie nen ga, asema kpaa a̱ de yen ne sha ci u ikpelaior i vesen ne ga; gadia ityav ka mbi yenev ga, ka mbi Aôndo je.

Yobu 34:29

Aluer Wen Una huan yô, ka anti je nana na ibo? man aluer Una yer ishigh Nagh yô, ka anti nana nenge a Na— shin a lu ikurior, shin a lu or môm kpaa, ve imôngo cii—

Upasalmi 76:5

I ngohol mbataverasema akaa cii, ve yav mnyam vem ma kuum; mô ve môm u ken mbataveryol kpaa zua a ave ve ga.

Anzaakaa 1:5

Sha u orfankwagh nana̱ ungwa nana̱ seer mhen, orkavenkwagh kpaa nana̱ ar sha mbamhen mba mimi;

Orpasenkwagh 2:12

Tsô m gema sha u me nenge er kwaghfan man ihundugh kua lanegh ve lu yô; gadia or u nan ve ken ijime i tor yô, shi nana er nyi? Saa di kwagh u i vande eren tsuaa je yô.

Orpasenkwagh 3:14

M fa hanma kwagh u Aôndo A er yô, una lu gbem; á seer ma kwagh sha mi ga, man á pande ma kwagh sha mi kpaa ga; Aôndo er un nahan, sha u ior ve̱ cia sha ishigh Nagh.

Orpasenkwagh 3:17

M kaa ken ishima yam mer, Aôndo Una ôr mbaperapera ijir kua mbaaferev cii; gadia kera yô, shighe u hanma kwagh ngu man u hanma tom kpaa.

Orpasenkwagh 4:1

Tsô m gema m nenge ipila i i eren shin tar cii; man nenge, mliam ma mba i kighir ve la, man ve lu a orsurun ve ishima ga; mba ve kighir ve la ve lu a tahav, kpa ve lu a orsurunshima ga.

Orpasenkwagh 4:4

Tsô m gema m nenge tom u ican cii, man hanma tom u i er u u hembe doon yô, i lu sha iwuhe i lu eren u ye. Kwagh ne kpaa ka gbilinkwagh man ka u zendan di ahumbe ityô tsô.

Orpasenkwagh 7:13

Ver ishima sha tom u Aôndo; gadia ka an nana fatyô u naregh kwagh u Un A vande hurene?

Orpasenkwagh 9:2

Akaa cii nga ve sha ior inja i môm; ci môm ngu sha ci u orperapera man iferor kpaa, man ormimi kua or u wang man or u nan lu wang ga kpaa, man or u nan ne nagh kua or u nan ne ga kpaa; er ormimi nan lu nahan, kape orsholibo kpaa nan lu la; man or u bumun kpaa nan ngu er or u cian mbum nahan.

Orpasenkwagh 9:3

Akaa a a eren shin tar cii yô, kwagh ne ka kwagh u vihin er kwagh u a tseren ve la cii ngu môm; man shi ishima i ônov mba iorov kpaa i iv a ifer, ihundugh kpaa ki ve ken ishima er ve lu uma yô, ken masetyô la ve yem shin mbakpenev.

Yeremia 46:6

Or u fefa fatyô u yevese ga, orageegh kpaa fatyô waren ga; ken imbusutarimese hen ifi u Uferati, ve nôngo gbev ve gbidye inya.

Yeremia 48:14

Ka nyi man ne kaan ner: Se mba mbaageev man anomaior a utya?

Yeremia 9:23

TER ngu kaan nahan er: Orfankwagh a̱ de te ihagh sha kwaghfan u nan ga, orageegh kpaa a̱ de te ihagh sha agee a nan ga, ornyar kpaa a̱ de te ihagh sha inyaregh ki nan ga;

Daniel 4:35

mba ve tem sha won cii mba er ka ma kwagh ga nahan; ka A er sha awashima Na a akum a Sha man a mba ve tem shin tar kpaa; ma or fatyô u yangen uwegh Nagh ga, shin u pinen Un er: Ka nyi U eren nahan, kpaa ga.

Sekaria 4:6

Nahan a gema a kaa a mo er: Ngun ka kwaghôron u TER a Serubabel er: Ka sha agee ga, ka sha utaha kpaa ga, kpa ka sha Jijingi Wam, kape TER u akum a Sha A kaa ne.

Malaki 3:18

Tsô né gema né kav mkposo u orperapera a iferor, man u or u civir Aôndo a or u civir Un ga la.

Mbaefese 1:11

Un u se ya dyako ken a na, u i vande veren se la sha awashima u Un u A eren akaa cii sha mhen u awashima Na la.

Duteronomi 8:17

Yô, de henen ken ishima you wer: Ka tahav av man agee a uwegh agh ve nem inyaregh kin ga.

Duteronomi 8:18

Kpa umbur TER, Aôndo wou, ka Un A ne u tahav mbu zuan a inyaregh ye, sha er Una er sha ikuryan Na i A bum a uter ou, er i lu nyian nahan.

1 Samuel 17:50

Kape Davidi hemba Orfiliti la, sha mzu kua iwen ne; a hemba Orfiliti la, a wua un; kpa sanker lu sha uwegh ku Davidi ga.

1 Samuel 6:9

Man nenge, aluer ia yem sha gbenda u ken tar na, hen Bete-Shemeshi yô, nahan ka Wen je A er se zegekwaghbo ne ye; kpa aluer ka nahan ga yô, se fa ka uwegh Nagh ku tsaha se ga; kwagh ne gba tseren se tsô.