Orpasenkwagh 8:17 - ICIGHAN BIBILO

¹⁷ nahan m nenge tom u Aôndo cii, er ma or nana fatyô u kaven tom u i eren u shin tar la ga; gadia shin er nana nôngo nan, nana time u kpaa, nana kav ga; een, shin er orfankwagh nan henen er nan fa kpaa, nana kav u ga.

Orpasenkwagh 8:17 Iomraidhean Croise

Yobu 5:9

u A eren akaa a vesen a a gande u timen; akaakpilighyol a a ngee je a gande u ôron;

Upasalmi 104:24

Kpash! TERE, ityom You ngi atô kposo kposo, U er i cii sha kwaghfan, tar iv a akaa a U gbe la.

Upasalmi 40:5

TERE, Aôndo wam, U er akaa a Ou a kpilighyol ngee kua mbamhen Ou mba sha a vese la kpaa; kwagh u á kar un sha a We yô, kera ngu ga. Shin er i sarem u pasen ve, ôron kwagh ve nahan kpaa, ve ngee gande u ôron.

Upasalmi 73:16

Zum u m gba nôngon u me fa kwagh ne yô, gema lum kwagh u zan iyol,

Orpasenkwagh 1:13

M ver ishima sha u me ker man me time sha kwaghfan sha akaa cii a a eren sha won yô; ka kwagh u ican tsung je, u Aôndo A ne ônov mba iorov sha u vea er tom u nyoon iyol sha mi yô.

Orpasenkwagh 11:5

Er u fe gbenda u ahumbe ga, man mlu u akuhe a ken sagh u nan we iyav la kpaa ga yô, kape tom u Aôndo u A er akaa cii kpaa u fe u ga la.

Orpasenkwagh 3:11

A er hanma kwagh er a̱ doo ashe sha shighe na, man A shi A ver mtsôr ken asema a ve; nahan kpaa, or fatyô u timen fan tom u Aôndo A er sha hiihii je, zan zan mkur la kpaa ga.

Orpasenkwagh 7:13

Ver ishima sha tom u Aôndo; gadia ka an nana fatyô u naregh kwagh u Un A vande hurene?

Yesaia 40:28

U vande fan gaa? M-ongo kpaa, u ungwa gaa? TER ka Aôndo u tsôron je, Orgban u akighir a tar, gbe uwer ga, ver kpaa ga, mkav Na gande u timen fan.

Mbaromanu 11:33

Kpash! Mze u ikpelaakaa man mfe man kwaghfan u Aôndo ve za kweng ne! Ajir a ôron a Na gande u timen sha mi, igbenda Na kpaa i gande u tôvon tsôô!