Orpasenkwagh 8:15 - ICIGHAN BIBILO

¹⁵ Nahan m wuese ishar i haan iyol, gadia ma kwagh ugen u hemban doon or sha won er nana ya kwagh, nana ma kwagh i̱ saan nan iyol yô, ngu ga, gadia ia lu a nan ken tom u nan u sha ican la, sha ayange a uma u nan cii, a Aôndo A ne nan shin tar yô.

Orpasenkwagh 8:15 Iomraidhean Croise

Upasalmi 42:8

Nahan kpaa TER Una wa erdoo Na kwagh atetan, tugh kpaa icam Na ia lu a mo, ka msen u sônon Aôndo u uma wam je la.

Orpasenkwagh 2:1

M kaa ken ishima yam mer: Yô, me kar u sha msaanyol; nahan yô, i̱ kpe u iyol sha ishar i haan iyol; kpa nenge, kwagh ne kpaa lu gbilinkwagh tsô.

Orpasenkwagh 2:10

Hanma kwagh u a sar ashe am yô, m nyume a ga, m nyume ishima yam hanma kwagh u iember ga, gadia ishima yam ember sha tom wam u m ye ican sha mi cii; ka kwagh ne je lu injar yam i sha tom wam cii u m ye ican sha mi la ye.

Orpasenkwagh 2:24

Kwaghdoon ugen ngu ga, saa u or nana̱ ya kwagh nana̱ ma kwagh man á kpe uma u nan iyol ken tom u nan u sha ican la. Kwagh ne kpaa m nenge, ka sha ikev i Aôndo a dugh ye.

Orpasenkwagh 2:3

M time ken ishima yam, m ker gbenda u mea er man á kpem iyol sha wain, er ishima yam lu zan a mo sha kwaghfan heregh yô, man er mea er man me kôr lanegh, zan zan me kar nengen kwagh u a doo u ônov mba iorov vea er sha won sha ayange a uma ve cii yô.

Orpasenkwagh 3:22

Nahan yô, ma kwagh u hemban doon ngu ga, saa u or nana ember ken ityom i nan tsô, gadia kwagh ne ka kwar u nan je ne; gayô, ka an nana hide a nan er nana va nenge kwagh u a er ken ijime i nan laa?

Orpasenkwagh 5:18

Nenge, kwagh u m nenge a doo man a lu vough hen or yô, ka u nana̱ ya kwagh, nana̱ ma kwagh, nana̱ ember sha tom u nan cii, u nan er sha ican shin tar, sha ayange a nan a Aôndo A ne nan cii, gadia kwagh ne ka kwar u nan je la.

1 Timoteu 6:17

Mba ve lu mbanyarev ken tar u ainge ne yô, wa ve kwagh wer, ve̱ de gengese ayol a ve ga, ve̱ de veren ishima sha inyaregh ki i fe kwagh sha min ken hemen ga la ze, kpa ve̱ ver ishima sha Aôndo u A ne se akaa cii wuee sha u se̱ er kwagh a mi yô.