Orpasenkwagh 7:7 - ICIGHAN BIBILO

⁷ Mimi je inyaregh ki ngohol sha apera ka ki gema orfankwagh nan hingir ibumeor, inyaregh ki yamen ishô ki vihin mkav kera.

Orpasenkwagh 7:7 Iomraidhean Croise

Ekesodu 23:8

Man shi de ngohol inyaregh ki yamen ishô a mi la ga; gadia inyaregh ki yamen ishô a mi la, ki pirin mba ve nenge la ashe, shi ki nzughul mbaperapera ijir kpaa.

Anzaakaa 17:23

Iferor yô, ka nan ngohol inyaregh ki yamen ishô ken myer, sha u nana za vihi igbenda i ijirigh yô.

Anzaakaa 17:8

Iwua ngi er isha i tiaver ishe nahan ken ashe a or u nan lu a i la, hanpe ka nana gema cii, i kpe nan iyol.

Orpasenkwagh 4:1

Tsô m gema m nenge ipila i i eren shin tar cii; man nenge, mliam ma mba i kighir ve la, man ve lu a orsurun ve ishima ga; mba ve kighir ve la ve lu a tahav, kpa ve lu a orsurunshima ga.

Orpasenkwagh 5:8

Aluer wea nenge mkighir u i kighir icanor man mvihi u ijirôron kua mimi ken ipaven ugen yô, kwagh shon a̱ de kpiligh we iyol ga, gadia u a hembe tahav ngu kenger u a lu a tahav la, man shi mbagenev mba hemban ve kpaa mba.

Orpasenkwagh 8:9

Akaa ne cii m nenge, shi m ver ishima m nenge tom u i eren shin tar cii, shighe u or ka nana lu a tahav sha orgen yô, nan eren nan ican.

Yesaia 1:23

Atiator a ou ka mbaahendanev, akar a mbanumungbenda; hanmô ve nan soo inyaregh ki yamen ishô a mi, mba keren injar; mba er ijir i kuran ancôgholov ga, mba we kasev mba côgholov iko sha ijir kpaa ga.

Yesaia 33:15

Ka u nan zenden sha perapera la, man nan er kwagh sha mimi, shi nan lahan mtsera u sha apera, nan nduur ave a nan, nan vende u ngohol inyaregh ki yamen ishô la, nan kondon ato a nan sha u nan ungwa kwagh u iwooor ga, man nan kusu ashe a nan sha u nana nenge iferkwagh kpaa ga yô;

Duteronomi 16:19

De geman ijir ga; shi de hembe wan orgen iko a orgen ga, man shi de ngohol iwua ga; gadia iwua i cirin mbafankwagh ashe, shi i gem akaaôron a mba ve lu a ibo ga la.

Duteronomi 28:65

Ken akuraior la, ú zua a ma mkpeyol ga, ikevnguhar you ia zua pe memen ga; keela TER Una gema Una na u ikarikase ken ishima man ashe a yinan ikôr man ishima i uren;

1 Samuel 12:3

M ngun heen ne; pase nen ase kwagh wam nyian sha ishigh ki TER kua or Na u i shigh un mkurem la; ka an, m ngohol nan bua sha aperaa? Shi ka an je m ngohol nan jaki sha apera? Shi ka an je m kighir nan a icana? Shin ka an je m ngohol nan kwagh sha icughuu? Man ka sha ikev i an, m ngohol iwua i yamen ishô sha u me kusu ashe a am a mini? Á lu nahan yô, me hide ne a mi.

1 Samuel 21:14

Tsô Akishi kaa a mbayev nav er: Ne nenge or ne ka orihundu je, man ka nyi ne ve a na her a Mo?

1 Samuel 8:3

Ônov nav yô, zaan sha gbenda na vough ga, kpa ve tsume sha inyaregh ki keren, ve ngohol inyaregh ki yamen ishô, ve vihin ijir.