Orpasenkwagh 7:25 - ICIGHAN BIBILO

²⁵ M gema m ver ishima yam mer, me fa, me time, me ker kwaghfan kua atôakaa, sha u me fa er ifer i lu ibumekwagh man ibumegh kpaa ki gem ki lu ihundugh yô.

Orpasenkwagh 7:25 Iomraidhean Croise

Genese 34:7

Ônov mba Yakob kpaa, zum u ve za ungwa kwagh la yô, ve hide ken toho; ve mba nomso mbala, asema vihi ve, kwagh vihi ve tsung, sha u a er kwagh u ibume ken Iserael, er a yav a wan u Yakob yô, kwagh la doo u ma i er nahan ga.

2 Samuel 13:12

A gema a kaa a na er: Ei, anngôm, de heen mo nahan ga; gadia doo u á er imbakwagh ne ken Iserael ga; de eren ibumekwagh nahan ga.

Anzaakaa 17:12

Guda or á kohol inyamikume i i kor i ônov kera, a u kohol ibumeor a lanegh nagh la.

Anzaakaa 26:11

Er iwa ka i hide hen isho i i nahan, kape ibumeor u nan hir sha lanegh ku nan kpaa, nan lu la.

Orpasenkwagh 10:13

Mhii u akaaôron a sha zwa u nan ka ibumegh je, mkur u kwaghôron u nan kpaa ka ihundugh ki dang je.

Orpasenkwagh 2:12

Tsô m gema sha u me nenge er kwaghfan man ihundugh kua lanegh ve lu yô; gadia or u nan ve ken ijime i tor yô, shi nana er nyi? Saa di kwagh u i vande eren tsuaa je yô.

Orpasenkwagh 2:15

Tsô m ôr ken ishima yam mer, kwagh u á er ibumeor la, mo kpaa una erem di nahan vough, nahan shi m hemba kwaghfan sha ci u nyi? Tsô shi m kaa ken ishima yam mer, kwagh ne kpaa ka gbilinkwagh je.

Orpasenkwagh 2:20

Ka nahan man m gem m hundu ishima yam sha hanma tom u m ye ican sha mi shin tar ne ye.

Orpasenkwagh 7:27

Nenge, m zua a kwagh ne, kape Orpasenkwagh a kaa la, m gba karen kwagh ugen sha ugen, m lu karen ve sha u me fa inja i hanma kwagh yô;

Yosua 7:13

Mough za wanger ior, kaa wer: Wanger nen ayol a en sha ci u kper; gadia TER, Aôndo u Iserael, kaa er: Kwagh u i te icin sha mi ngu her a ven, Iserael; ú fatyô u tilen sha ishigh ki Mbaihomov ou ga, saa né dugh kwagh u i te icin sha mi la ken a ven kera ve.