Orpasenkwagh 7:17 - ICIGHAN BIBILO

¹⁷ De eren ifer i̱ karen ikaa inya ga, man shi de eren ibumekwagh kpaa ga; inja na nan ú kpe je er shighe wou a lu a kuma ga?

Orpasenkwagh 7:17 Iomraidhean Croise

2 Samuel 6:20

Tsô Davidi hide sha u una ver ior mba hen ya na doo doo yô. Nahan Mikal wan u Saulu due u va keghen Davidi gbenda, a kaa er: Tor u Iserael ngu a icivir sha ashe a ior nyian tsôô, a er akondo kera sha ashe a ikpan i ukase i mbayev nav, vough er gbilinor u lun a kunya ga ka nan gba saghen ikondo nahan!

Yobu 22:16

Ve mba i tsuwe ve kera er shighe ve a lu a kuma ga la, mba imagh vegh ki kough kera er ifi nahan;

Upasalmi 55:23

Kpa We, Aôndo, Ú sen a ve shin ihungwa i mtim ior mba haan awambe man mba wan atseregh yô, vea kporom a ayange a uma ve ken hemen ga. Kpa mo yô, me suur sha a We. Ngun ka sha ci u orhemen u mbawanatsam, i ver un sha imo i: Ikungugh ki hen ikon i terebin ken ca. Ka Pasalmi u Davidi. Ka icam i a dugh zum u Mbafiliti kôr un ken Gati la

Anzaakaa 10:27

Mcie u cian TER seer ayange, kpa anyom a aferaior yô, a pande a kera.

Esekiel 16:20

Man shi ônov ou mba nomso man mba kasev, mba u marem la, u gema ve u na mbi nagh a mi, sha u ve̱ hingir kwaghyan u mbi. Idya you la, ka kwagh u kiriki,

Esekiel 8:17

Tsô A kaa a mo er: U nenge kwagh ne kpa, we wan u or? Ka ya u Yuda kwagh u kiriki er ve er akaa a ndôhôrshima a ve lu eren heen nee? Gadia ve iv tar ne sha ipila, man shi ve gema kpaa sha u vea bamem yô; man nenge, ve ver gbaakon sha ihinga ve.

Aerenakaa A Mbaapostoli 12:23

Fese nahan ortyom u Ter tsaha un sha ci u a ne Aôndo icivir ga yô. Azôô ya un maa a kpe.

Aerenakaa A Mbaapostoli 16:28

Kpa Paulu yila sha imo i taver er: De vihin iyol you ga, gadia se cii se mba heen.

Aerenakaa A Mbaapostoli 5:10

Fese nahan a gbidye inya her angahar a na, a kpe. Mbayevikaior mba nyer ker yô, ve kav un kpenegh; ve tôô un, ve due a mi ve za ii un a nom na.

Aerenakaa A Mbaapostoli 5:5

Anania ongo akaaôron ne nahan yô, a gbidye inya, a kpe; mba ve ungwa la cii zegemcie gba ve iyol.

Yakobu 1:21

Nahan yô, gbihi nen hanma kwagh u hôngorough man shi ifer i i dumbur la kera, ngohol nen kwaghôron u i môôr un ken a ven la sha ishima i legh legh, u una fatyô u yiman uuma enev.

1 Samuel 25:38

Tsô, ayange nga kar er pue nahan, TER tsaha Nabal maa a kpe.