Orpasenkwagh 7:15 - ICIGHAN BIBILO

¹⁵ M nenge a akaa cii sha ayange am a gbilinigh; orperapera ngu, u ka nan saa ishe shin er nan lu perapera nahan kpaa; iferor ugen di kpaa ngu, u ka nan gema nan tsa sha won a ifer i nan yô.

Orpasenkwagh 7:15 Iomraidhean Croise

Genese 47:9

Yakob kaa a Farao er: Ayange a anyom a shir wam, nga anyom deri man ikundugber; ayange a anyom a uma wam vese ga, ican lu eren mo sha a, a kuma sha ayange a anyom a uma a uter av sha ayange a shir ve la kpaa ga.

1 Utor 21:13

Tsô ior ihiar, agbilinaior, ve nyôr ve tema sha ishigh nagh; ve agbilinaior la, ve gba eren shiada sha a na, ka sha Naboti je la, sha ishigh ki iorough, ve kaa er: Naboti tuhwa Aôndo kua tor. Tsô maa ve due a na ken won ken akôngo a gar, ve za ta un awen, a kpe.

Upasalmi 10:3

Gadia orifer ka a ta ihagh sha kwagh u isharen i ken ishima na, a ver oreren hua doo doo, a gema a laha TER.

Upasalmi 39:6

Mimi je, hanma or nan gbe zenden er jijingi nahan tsô; mimi je, mba gbe kumbur sha, gbilin tsô; nan kohol inyaregh, kpa nan fa u nan lu yan ki ga.

Orpasenkwagh 2:23

Gadia ayange a nan cii ka ican tseegh, tom u nan kpaa ka ishima i vihin tsô; een, tugh je kpaa ishima i nan i mem ga. Kwagh ne kpaa ka gbilinkwagh.

Orpasenkwagh 3:16

Shi m nenge shin tar, hen ape ôron ijir la, nenge, ifer lu her; man hen ijiir i perapera kpaa, ifer shi lu her.

Orpasenkwagh 6:12

Gadia ka an nan fe kwagh u a hembe doon or sha mlu u nan sha ayange a uma u nan a gbilinigh cii, a a kar nan er mure la nahana? Gadia ka an nana fatyô u ôron or kwagh u una lu ken ijime i nan shin tara?

Orpasenkwagh 9:9

Tema saan saan a kwase u a doo u ishima sha ayange a uma wou u gbilinigh la cii a A ne u shin tar yô, ayange a ou a gbilinigh la cii, gadia ka kwar wou u sha uma wou je la, kua ken tom wou u u ya ican sha mi shin tar yô.

Yesaia 65:20

Hii sha shighe la je, wanikundan u lun ayange kpuaa nana kera lu ga, gadia wanye nana kpe er anyom a nan aa kuma deri nahan, man orsholibo kpaa ka u nan kom anyom deri la, ifan ia kôr nan ye.

YOHANE 16:2

Vea dugh ne ken ushinagoge kera; shighe ngu van je u hanma or u nana wua ne yô, nana hen er nan ngu eren tom u civir Aôndo.

Aerenakaa A Mbaapostoli 7:52

Ka hanmô ken uprofeti je man uter enev tôv nan a ican ga? Ve wua mba ve lu tsengan ôron mve u Ormimi, man hegen ne kpaa ne hingir mbanengen Un mker shi ne wua Un kpaa;