Orpasenkwagh 6:9 - ICIGHAN BIBILO

⁹ Guda u nengen a kwagh sha ashe a u lun a isharen sha akaa wuee la; kwagh ne kpaa ka gbilinkwagh je, ka u zendan di ahumbe ityô tsô.

Orpasenkwagh 6:9 Iomraidhean Croise

Yobu 31:7

Aluer mea kaha gbenda, man ishima yam ia zaan sha isharen i ashe am, man ma acôghol kpaa aa luun mo sha ave yô,

Orpasenkwagh 1:14

M nenge tom u i eren shin tar cii; yô, nenge ase, ka gbilinkwagh ci ca, ka u zendan ahumbe ityô tsô!

Orpasenkwagh 1:17

M ver ishima yam sha u fan kwaghfan kua mfe, man sha u fan ihundugh kua ibumegh; tsô m kav, ngun kpaa ka u zendan di ahumbe ityô tsô.

Orpasenkwagh 1:2

Gbilinkwagh u agbilinakaa, kape Orpasenkwagh a kaa ne, gbilinkwagh u akaagbilinigh, ka gbilin cii.

Orpasenkwagh 11:9

Ember, wanyekwaor, sha iyev ou, ishima kpaa i̱ lu u saan saan sha ayange a u lu iyev yô, zende sha isharen i ishima you, man sha mnenge u ashe ou kpaa; kpa fa, sha ci u akaa ne cii, Aôndo Una va a we hen ijir.

Orpasenkwagh 2:11

Tsô m gema m nenge ityom yam cii, i ave am a er yô, man shi tom u m ye ican sha mi la kpaa, nenge ase, nahan kpaa lu gbilinkwagh cii, ka di u zendan ahumbe ityô tsô, ma mtsera lu sha mi sha won ga.

Orpasenkwagh 4:4

Tsô m gema m nenge tom u ican cii, man hanma tom u i er u u hembe doon yô, i lu sha iwuhe i lu eren u ye. Kwagh ne kpaa ka gbilinkwagh man ka u zendan di ahumbe ityô tsô.

Orpasenkwagh 5:18

Nenge, kwagh u m nenge a doo man a lu vough hen or yô, ka u nana̱ ya kwagh, nana̱ ma kwagh, nana̱ ember sha tom u nan cii, u nan er sha ican shin tar, sha ayange a nan a Aôndo A ne nan cii, gadia kwagh ne ka kwar u nan je la.

Orpasenkwagh 6:2

ka or u Aôndo A ne nan akaa kpishi, inyaregh man icivir, je nan kera ban a ma kwagh sha ci u uma u nan sha akaa a a sar nan la ga; nahan kpaa, Aôndo na nan tahav mbu yan a ga, kpa ka orgen nana ya a ye; kwagh ne kpaa ka gbilinkwagh, ka bocan je.

Yeremia 2:20

Gadia hii tsuaa je u sombo igbur you man u tôndo ikangenev you kera, u kaa wer: Me kera er tom ga; gadia sha hanma igungu u taven kua shin hanma kon u hômon je, u ngurum her er idyakwase nahan.