Orpasenkwagh 6:2 - ICIGHAN BIBILO

² ka or u Aôndo A ne nan akaa kpishi, inyaregh man icivir, je nan kera ban a ma kwagh sha ci u uma u nan sha akaa a a sar nan la ga; nahan kpaa, Aôndo na nan tahav mbu yan a ga, kpa ka orgen nana ya a ye; kwagh ne kpaa ka gbilinkwagh, ka bocan je.

Orpasenkwagh 6:2 Iomraidhean Croise

1 Utor 3:13

M shi M na u kwagh u u sen ga kpaa, ka inyaregh man icivir, zan zan je yô, sha ayange a ou cii, á zua a ma tor ugen u kuman sha a we ga.

1 Kroniku 29:25

TER kende a Solomon sha kpishi sha ishigh ki Iserael cii, A na un icivir i tor i ma tor ugen u nan vande a na ken Iserael nan lu a zua a mi nahan ga yô.

1 Kroniku 29:28

A kpe, a tsa sha won dedoo, mgbough a inyaregh, a lu a icivir kpishi; tsô wan na Solomon tema tor sha ityough nagh.

2 Kroniku 1:11

Tsô Aôndo kaa a Solomon er: Er kwagh ne a lu u ken ishima, u sen inyaregh shin mkpeyol shin icivir shin u wuan mba ve ker u ihom kpaa ga, man u sen u tsan sha won kpaa ga, kpaa u gem u sen mkav man mfe, sha er ú fatyô u ôron ior Av ijir, mba M ver u tor sha a ve yô;

Upasalmi 17:14

man sha ikev i ior, sha uwegh Ough je, TERE, sha ikev i ior i tar, i kwar ve u lu hen uma ne, mba U mgbough iyav vev a kwagh u U vande veren sha ci ve la, je ônov vev kpaa kuma ve gbing gbing, ve di kpaa mba undun akaa ve a a neer la sha ci u ônov vev.

Upasalmi 39:6

Mimi je, hanma or nan gbe zenden er jijingi nahan tsô; mimi je, mba gbe kumbur sha, gbilin tsô; nan kohol inyaregh, kpa nan fa u nan lu yan ki ga.

Upasalmi 73:7

Ashe ve nga ikôl ngbôô sha ci u mkehem, msenge u ve sengen ken asema a ve iv je haa inya.

Orpasenkwagh 4:4

Tsô m gema m nenge tom u ican cii, man hanma tom u i er u u hembe doon yô, i lu sha iwuhe i lu eren u ye. Kwagh ne kpaa ka gbilinkwagh man ka u zendan di ahumbe ityô tsô.

Orpasenkwagh 4:8

Orgen ka nan lu tswen, nan lu a ma orgen ga, een, shin wan kpaa ga, shin anmgbian tsô kpaa ga, nahan kpaa tom u nan u ican, u kuren ga, ashe a nan kpaa a kenger inyaregh ki kuman a ga. Ka sha ci u an je m ye icana man m gbe nyumen uma wam akaa a doon nahan? Kwagh ne kpaa ka gbilinkwagh tsô, een, ka ican tsung je.

Orpasenkwagh 5:13

Zegekwagh u vihin ugen ngu u m nenge a mi shin tar: inyaregh ki or ka nan koso la, ki gema ki hingir kwagh u vihin mlu u nan;

Orpasenkwagh 5:16

Kwagh ne kpaa ka zegekwagh u vihin je: er nan ve nahan, kape shi nana hide vough la; ka nyi mtser je nan ye sha tom u nan er sha ci u ahumbe laa?

Orpasenkwagh 5:18

Nenge, kwagh u m nenge a doo man a lu vough hen or yô, ka u nana̱ ya kwagh, nana̱ ma kwagh, nana̱ ember sha tom u nan cii, u nan er sha ican shin tar, sha ayange a nan a Aôndo A ne nan cii, gadia kwagh ne ka kwar u nan je la.

Orpasenkwagh 5:19

Hanma or kpaa u Aôndo A ne nan inyaregh kpishi man mkpeyol, man A shi A na nan agee u yan ki kpaa, man u ngohol ci u nan, man u ember ken tom u nan u sha ican la, ka iwua i Aôndo A ne nan je.

Yesaia 55:2

Ka nyi man ne vihin inyaregh sha kwagh u a lu kwagh u yan ga, man tom wen u tsung kpaa sha kwagh u a lu u yan kuman ga nahana? Ver nen ato her a Mo, sule nen iyol sha u ungwan, ya nen kwagh u a lu u dedoo yô, man i̱ doo uma wen iyol a taryan u wan ahôm.

Ukwelegh 5:2

I gema dyako wase i na mbavannya, ayou a ase kpaa, i na ior mba ken ityar igen.

Daniel 5:18

We tor, Aôndo Uhembansha na Nebukadinesar teru tartor man ivesen man icivir man shagba.

Hosea 7:9

Atôatyev vihi agee na kera, kpa a fa ga; een, ivu ta un agar sha ityou, kpa a fa ga.

Duteronomi 28:33

Iyiagh ki sule wou man tom wou u ican cii, ikurior igen i u fe i ga, ia ya; kpa we yô, á gbaa kighir we eren we ican gbem tsô;

Duteronomi 28:43

Shiror u nan lu a we, nana hemba u, nana yemen hemen hemen; kpa we yô, ú hiden a hide ijime.

Mbaajiriv 18:10

Zum u né za yô, né za nenge a ior mba ve tem ve hundu ishima kera la, tar la kpaa gbangese; gadia Aôndo na ne u sha ikev; ka ijiir i banen a ma kwagh sha won je ga.