Orpasenkwagh 6:12 - ICIGHAN BIBILO

¹² Gadia ka an nan fe kwagh u a hembe doon or sha mlu u nan sha ayange a uma u nan a gbilinigh cii, a a kar nan er mure la nahana? Gadia ka an nana fatyô u ôron or kwagh u una lu ken ijime i nan shin tara?

Orpasenkwagh 6:12 Iomraidhean Croise

1 Kroniku 29:15

Gadia se mba mbavannya man ushirmbaiorov sha ishigh You er uter asev cii lu nahan; ayange ase a sha won kpaa nga er mure nahan, ishimaverenkeghen kpaa kera ngi ga.

Yobu 14:2

Ka nan due er fele nahan, shi nan use; ka nan kar kera er mure nahan, nan lu gbem ga!

Yobu 14:21

Ônov mba nan ve zua a icivir, kpa nan fa ga, shi ve gba ijime, kpa nan fa ma kwagh sha mi ga.

Yobu 8:9

Gadia se, se mba mbanyenev tsô, se fa ma kwagh ga; gayô, ayange ase a shin tar ne nga er mure nahan tsô.

Upasalmi 102:11

Ayange am nga er mure u a gbe a ze ca yô; m use er toho nahan.

Upasalmi 109:23

M kar kera er mure u a gbe a ze ca yô; i mishim kera er ikomon nahan.

Upasalmi 144:4

Or ngu er ka humbe nahan, ayange a nan nga er mure u a karen kera fefa nahan.

Upasalmi 16:5

TER ka kwar u dyako wam man u iyongo yam kpaa; ka We U kor mlu wam gbem ye.

Upasalmi 17:15

Kpa mo yô, me nenge ishigh You ken perapera; zum u me nder yô, mluashe Wou una kumam.

Upasalmi 4:6

Ior kpishi mba kaan er: Ka an nana tese se kwagh u doono? TERE, kende a iwanger i ishigh You sha, sha a vese.

Upasalmi 47:4

A sange se dyako wase, ihagh i Yakob u a doo Un ishima yô. Sela.

Upasalmi 89:47

Umbur er ayange am a ndahar yô, man er U gbe ior ve lu gbilinkwagh tsô yô!

Orpasenkwagh 10:14

Ibumeor nan ngee kwaghôron; kpa or fa kwagh u una va er ga; man kwagh u una lu ken ijime i nan kpaa, ka an nana kaa unu?

Orpasenkwagh 12:13

Ngun ka mkur u kwagh, u i vande ungwan la cii: Cia Aôndo, waan atindi Na iko; gadia ngun ka kwagh u ior cii ma ve er je ne.

Orpasenkwagh 2:24

Kwaghdoon ugen ngu ga, saa u or nana̱ ya kwagh nana̱ ma kwagh man á kpe uma u nan iyol ken tom u nan u sha ican la. Kwagh ne kpaa m nenge, ka sha ikev i Aôndo a dugh ye.

Orpasenkwagh 2:3

M time ken ishima yam, m ker gbenda u mea er man á kpem iyol sha wain, er ishima yam lu zan a mo sha kwaghfan heregh yô, man er mea er man me kôr lanegh, zan zan me kar nengen kwagh u a doo u ônov mba iorov vea er sha won sha ayange a uma ve cii yô.

Orpasenkwagh 3:22

Nahan yô, ma kwagh u hemban doon ngu ga, saa u or nana ember ken ityom i nan tsô, gadia kwagh ne ka kwar u nan je ne; gayô, ka an nana hide a nan er nana va nenge kwagh u a er ken ijime i nan laa?

Orpasenkwagh 6:11

Er akaaôron a seer ngeen, gbilinkwagh di kpaa seer, nahan ka or a inja sha nyi?

Orpasenkwagh 7:15

M nenge a akaa cii sha ayange am a gbilinigh; orperapera ngu, u ka nan saa ishe shin er nan lu perapera nahan kpaa; iferor ugen di kpaa ngu, u ka nan gema nan tsa sha won a ifer i nan yô.

Orpasenkwagh 8:13

kpa mkpeyol una lu hen orifer ga, man ayange a nan kpaa aa lihe er mure nahan ga, gadia nan cie Aôndo ga.

Orpasenkwagh 8:7

gadia nan fa kwagh u una va er ga; man ka an nana fatyô u ôron nan er kwagh una va luu?

Orpasenkwagh 9:6

Dooshima ve kua ihom ve i kôron man iwuhe ve cii saa ishe ngise je; mayange je kera mba a ma ci sha akaa a a mase eren shin tar ga.

Orpasenkwagh 9:9

Tema saan saan a kwase u a doo u ishima sha ayange a uma wou u gbilinigh la cii a A ne u shin tar yô, ayange a ou a gbilinigh la cii, gadia ka kwar wou u sha uma wou je la, kua ken tom wou u u ya ican sha mi shin tar yô.

Mika 6:8

Yô, A tese u, kwagh u dedoo, we or; tsô ka nyi TER A keren her a we, saa u eren kwagh u mimi man u soon u zungwen mhôônom, man u hiden a iyol ijime er u zenden vea Aôndo wou la gaa?

Yakobu 4:14

ne mba kper tsô kpaa ne kera fe er uma wen una lu ga ne. Gadia ne mba tulugh u ka a due i nenge a mi sha ashe kpeghee maa a shi a sambe kera ne.