Orpasenkwagh 6:11 - ICIGHAN BIBILO

¹¹ Er akaaôron a seer ngeen, gbilinkwagh di kpaa seer, nahan ka or a inja sha nyi?

Orpasenkwagh 6:11 Iomraidhean Croise

Upasalmi 73:6

Ka nahan man iyolgengese i har ve sha mon er ishiligh nahan ye, ipila cir ve iyol er ka ikondo nahan.

Orpasenkwagh 2:15

Tsô m ôr ken ishima yam mer, kwagh u á er ibumeor la, mo kpaa una erem di nahan vough, nahan shi m hemba kwaghfan sha ci u nyi? Tsô shi m kaa ken ishima yam mer, kwagh ne kpaa ka gbilinkwagh je.

Orpasenkwagh 3:19

Gadia kwagh u a eren ônov mba iorov yô, ka un je shi ka a er ishôso ye, ka kwagh shon la môm ngu a tser ve cii ye; er ngun a kpe nahan, kape ngula kpaa a kpe la; een, ve cii iôôn ve ngi môm; or hemba ishôso sha ma kwagh je ga; gadia ka gbilinkwagh cii.

Orpasenkwagh 4:16

ior ngee gande ikaa inya mba a lu orhemen ve yô; nahan kpaa kov u ua va ken hemen yô, ua ember un ga. Mimi je kwagh ne kpaa ka gbilinkwagh, man ka u zendan di ahumbe ityô tsô.

Orpasenkwagh 4:8

Orgen ka nan lu tswen, nan lu a ma orgen ga, een, shin wan kpaa ga, shin anmgbian tsô kpaa ga, nahan kpaa tom u nan u ican, u kuren ga, ashe a nan kpaa a kenger inyaregh ki kuman a ga. Ka sha ci u an je m ye icana man m gbe nyumen uma wam akaa a doon nahan? Kwagh ne kpaa ka gbilinkwagh tsô, een, ka ican tsung je.

Orpasenkwagh 5:7

Gadia er mnyam ma cien ma lu kpishi nahan, kape kwaghôron u gbilinigh kpaa a ngee la, kpa we yô, cia Aôndo!

Orpasenkwagh 6:10

Kwagh u nan lu cii kpaa, i vande yilan iti i nan ngise je, shi i fa er nan lu or yô, nana fatyô u hendan a, u a hembe nan agee la kpaa ga.

Orpasenkwagh 6:12

Gadia ka an nan fe kwagh u a hembe doon or sha mlu u nan sha ayange a uma u nan a gbilinigh cii, a a kar nan er mure la nahana? Gadia ka an nana fatyô u ôron or kwagh u una lu ken ijime i nan shin tara?

Hosea 12:1

Eferaim kôr hur a ahumbe, ngu zan ahumbe a ken ityoughkitaregh ityô; ngu seer a seer aie man ipila iyange jimin cii; ve ya ikur a Ashiria, shi mba zan a mkurem ken tar u Igipiti kpaa.