Orpasenkwagh 5:18 - ICIGHAN BIBILO

¹⁸ Nenge, kwagh u m nenge a doo man a lu vough hen or yô, ka u nana̱ ya kwagh, nana̱ ma kwagh, nana̱ ember sha tom u nan cii, u nan er sha ican shin tar, sha ayange a nan a Aôndo A ne nan cii, gadia kwagh ne ka kwar u nan je la.

Orpasenkwagh 5:18 Iomraidhean Croise

Upasalmi 42:8

Nahan kpaa TER Una wa erdoo Na kwagh atetan, tugh kpaa icam Na ia lu a mo, ka msen u sônon Aôndo u uma wam je la.

Orpasenkwagh 11:9

Ember, wanyekwaor, sha iyev ou, ishima kpaa i̱ lu u saan saan sha ayange a u lu iyev yô, zende sha isharen i ishima you, man sha mnenge u ashe ou kpaa; kpa fa, sha ci u akaa ne cii, Aôndo Una va a we hen ijir.

Orpasenkwagh 2:10

Hanma kwagh u a sar ashe am yô, m nyume a ga, m nyume ishima yam hanma kwagh u iember ga, gadia ishima yam ember sha tom wam u m ye ican sha mi cii; ka kwagh ne je lu injar yam i sha tom wam cii u m ye ican sha mi la ye.

Orpasenkwagh 2:24

Kwaghdoon ugen ngu ga, saa u or nana̱ ya kwagh nana̱ ma kwagh man á kpe uma u nan iyol ken tom u nan u sha ican la. Kwagh ne kpaa m nenge, ka sha ikev i Aôndo a dugh ye.

Orpasenkwagh 2:3

M time ken ishima yam, m ker gbenda u mea er man á kpem iyol sha wain, er ishima yam lu zan a mo sha kwaghfan heregh yô, man er mea er man me kôr lanegh, zan zan me kar nengen kwagh u a doo u ônov mba iorov vea er sha won sha ayange a uma ve cii yô.

Orpasenkwagh 3:22

Nahan yô, ma kwagh u hemban doon ngu ga, saa u or nana ember ken ityom i nan tsô, gadia kwagh ne ka kwar u nan je ne; gayô, ka an nana hide a nan er nana va nenge kwagh u a er ken ijime i nan laa?

Orpasenkwagh 6:2

ka or u Aôndo A ne nan akaa kpishi, inyaregh man icivir, je nan kera ban a ma kwagh sha ci u uma u nan sha akaa a a sar nan la ga; nahan kpaa, Aôndo na nan tahav mbu yan a ga, kpa ka orgen nana ya a ye; kwagh ne kpaa ka gbilinkwagh, ka bocan je.

Orpasenkwagh 8:15

Nahan m wuese ishar i haan iyol, gadia ma kwagh ugen u hemban doon or sha won er nana ya kwagh, nana ma kwagh i̱ saan nan iyol yô, ngu ga, gadia ia lu a nan ken tom u nan u sha ican la, sha ayange a uma u nan cii, a Aôndo A ne nan shin tar yô.

Orpasenkwagh 9:7

Yô, ya kwaghyan wou a iember, ma wain wou a iember ken ishima, gadia Aôndo vande rumun ityom you kera ve.

Yeremia 52:34

Sha kwagh u gbayol na kpaa, tor u Babilon lu nan un kwar na gbem, hanma iyange a lu zuan a kwar na sha ayange a uma na cii zan zan ku na.

1 Mbakorinte 16:16

Ne kpaa ungwan nen imo i ambaaior la, man shi mba ve eren tom imôngo la cii, shi ve nenge sha gbashima kpaa.

Duteronomi 12:18

kpa ka sha ishigh ki TER Aôndo wou ú yaan akaa ne ye, hen ijiir i TER, Aôndo wou, Una tsuwa yô, we, man wan wou u nomso man wan wou u kwase man kpan wou u nomso man kpan wou u kwase man Orlevi u nan va nyer u a nyôr; ember sha ishigh ki TER, Aôndo wou, sha akaa a u ker ave sha mi cii.

Duteronomi 12:7

Shi ka her né yaan kwagh sha ishigh ki TER, Aôndo wen, ne a ior enev, né ember sha hanma kwagh u ne ker ave sha mi, u TER, Aôndo wou, A ne u iveren sha mi yô.

Duteronomi 26:11

Ember sha akaa a dedoo a TER, Aôndo wou, A ne u a ya wou cii yô, we man Orlevi kua shiror u a nyer u a nyôr la kpaa.

1 Timoteu 6:17

Mba ve lu mbanyarev ken tar u ainge ne yô, wa ve kwagh wer, ve̱ de gengese ayol a ve ga, ve̱ de veren ishima sha inyaregh ki i fe kwagh sha min ken hemen ga la ze, kpa ve̱ ver ishima sha Aôndo u A ne se akaa cii wuee sha u se̱ er kwagh a mi yô.