Orpasenkwagh 4:8 - ICIGHAN BIBILO

⁸ Orgen ka nan lu tswen, nan lu a ma orgen ga, een, shin wan kpaa ga, shin anmgbian tsô kpaa ga, nahan kpaa tom u nan u ican, u kuren ga, ashe a nan kpaa a kenger inyaregh ki kuman a ga. Ka sha ci u an je m ye icana man m gbe nyumen uma wam akaa a doon nahan? Kwagh ne kpaa ka gbilinkwagh tsô, een, ka ican tsung je.

Orpasenkwagh 4:8 Iomraidhean Croise

Genese 2:18

TER Aôndo gema kaa er: Doo u or nana lu tswen ga; yô, Me er nan orwasen u lun er nan nahan.

Upasalmi 39:6

Mimi je, hanma or nan gbe zenden er jijingi nahan tsô; mimi je, mba gbe kumbur sha, gbilin tsô; nan kohol inyaregh, kpa nan fa u nan lu yan ki ga.

Upasalmi 39:7

Hegen yô, TERE, ka nyi m veren ashe mi? Ishimaverenkeghen yam yô, ngi her a We.

Anzaakaa 27:20

Sheol man Abadon mba idi je ga, kape ashe a or kpaa a idi mayange ga la.

Orpasenkwagh 1:13

M ver ishima sha u me ker man me time sha kwaghfan sha akaa cii a a eren sha won yô; ka kwagh u ican tsung je, u Aôndo A ne ônov mba iorov sha u vea er tom u nyoon iyol sha mi yô.

Orpasenkwagh 1:8

Akaa cii vôr gbida gbida, gande u ôron; ishe ngi idi sha mnenge ga, togh kpaa ku idi sha m-ongo ga.

Orpasenkwagh 2:21

Gadia orgen ngu, u tom u nan u lu sha kwaghfan man sha mfe man sha mhembefan, nahan kpaa nana undu orgen a mi, u nan er tom sha mi ga yô, á hingir dyako u nan. Kwagh ne kpaa ka gbilinkwagh je man mvihi u vesen kpaa.

Orpasenkwagh 2:23

Gadia ayange a nan cii ka ican tseegh, tom u nan kpaa ka ishima i vihin tsô; een, tugh je kpaa ishima i nan i mem ga. Kwagh ne kpaa ka gbilinkwagh.

Orpasenkwagh 4:7

Tsô, shi m gema m nenge gbilinkwagh shin tar.

Orpasenkwagh 5:10

Or u azurfa a doo nan yô, azurfa una kuma nan ga; u nan keren inyaregh ki ngeen kpaa, mtsera una kuma nan ga; kwagh ne kpaa ka gbilinkwagh tsô.

Orpasenkwagh 5:9

Kwagh u a lu mtsera u tar sha hanma ijiir yô, ka tor u a we sule u kahan iko yô.

Yesaia 5:8

Kwagh á tser mba ve seer ya sha ya ve, mba ve seer sule sha sule ve, je zan zan ma ijiir i kera shi ga, man ne mase teman hen atô u tar ne, ne tseegh.

Yesaia 55:2

Ka nyi man ne vihin inyaregh sha kwagh u a lu kwagh u yan ga, man tom wen u tsung kpaa sha kwagh u a lu u yan kuman ga nahana? Ver nen ato her a Mo, sule nen iyol sha u ungwan, ya nen kwagh u a lu u dedoo yô, man i̱ doo uma wen iyol a taryan u wan ahôm.

Mateu 11:28

Va nen her a Mo, ne mba i ver ne iyol cii, ikav mbi yoho ne kpaa, Mo me na ne mmem.

Luka 12:20

Kpa Aôndo kaa a na er: We ibumeor ne! Ka nyian tugh je i lu keren uma wou hen we ye; nahan akaa a u kohol ne yô, aa hingir a ana?

1 Yohane 2:16

Gadia akaa a a lu shin tar cii, isharen i iyolough, man isharen i ashee man ihagh i uma ne, ka a Ter ga, ka a taregh tsô.