Orpasenkwagh 4:1 - ICIGHAN BIBILO

¹ Tsô m gema m nenge ipila i i eren shin tar cii; man nenge, mliam ma mba i kighir ve la, man ve lu a orsurun ve ishima ga; mba ve kighir ve la ve lu a tahav, kpa ve lu a orsurunshima ga.

Orpasenkwagh 4:1 Iomraidhean Croise

Yobu 16:4

Mo kpaa ma m fetyô u ôron kwagh er ne nahan, aluer uma wen una lu sha ian i uma wam yô; ma m fetyô u maghen akaaôron sha a ven, ma m jingi ityough sha a ven.

Yobu 35:9

Er mbamkighir mba sha ican ve ngee yô, ior mba vaan; mba vaan keren iwasen sha ci u agee a mbautahav.

Yobu 6:29

Shi gema nen ase, ma kwagh u mimi ga, a̱ de lu ga; een, gema nen, kwagh wam ka u perapera her.

Yobu 9:24

I gema tar i na sha ikev i mbaaferev; ka A cir mbaajiriv mba u, ishigh; aluer ka Un ga yô, shi ka an je?

Upasalmi 12:5

Sha ci u mkighir u i kighir mbaatsanev man mtoghor u mbaibanave yô, Me mough hegen kape TER A kaa la, Me ver or u nan lu tômon la, nana tema a mkpeyol.

Upasalmi 142:4

M jinge ken iyan kpa ma or u wan mo iko nan ngu ga, ape waren ngum ga, ma or u wan uma wam iko, nan ngu ga.

Upasalmi 142:5

M yila U TERE, m kaa mer: Ka We U lu ijiir yam i waren, kua kwar wam u ken tar u mbaumav kpaa ye.

Upasalmi 42:3

Mliam am hingir kwaghyan wam tugh man tetan kpaa; gadia mba pinim gbem er: Aôndo wou ngu hana?

Upasalmi 42:9

Me pine Aôndo, vande wam, mer: Ka nyi m hungul We? Shi ka nyi m zenden m zungu sha ci u mkighir u mbaihomovo?

Upasalmi 69:20

Iheen nam ishimavihin je, kondo iyol, agee kera ngam iyol ga; M ker mba mhôônom ma kôr ve a mo, kpa mô lu ga, mbasurun mo ishima kpaa, m zua a min ga.

Upasalmi 69:21

Ve nam megh er ku̱ lum kwaghyan; sha imura yam i kôron kpaa ve nam vineger er m̱ ma.

Upasalmi 80:5

U koso ve sha ruam u mlia, U na ve mliam, ve ma kpishi.

Ekesodu 1:16

a kaa a ve er: Zum u nea kôron kasev mba Heberu mar yô, shighe u ve lu sha ikônough ki maregh la je, né nenge a lu nomso yô, né wua; a lu u kwase yô, né de.

Ekesodu 1:22

Tsô Farao kaa a ior nav er: Hanma wannomso u i mar yô, gbihi nen un shin ifi u Nil, kpa hanma wankwase yô, de nen un a̱ lu uma.

Anzaakaa 19:7

Anmgbianev mba icanor cii, mba ker nan ihom, man hile akar a nan, á undu nan, á gba ca a nan ga yee? ka nan dondo a ijime a kwaghôron, kpa a yem kera.

Anzaakaa 28:3

Icanor u nan kighir mbaatsanev yô, nan ngu er ura u kuwan akaa kera, undun kwaghyan her ga nahan.

Anzaakaa 29:2

Zum u mbaperapera ka vea seer yô, ior ve ember kpa zum u iferor ka nana tema tor yô, ior ve shir asema.

Orpasenkwagh 3:16

Shi m nenge shin tar, hen ape ôron ijir la, nenge, ifer lu her; man hen ijiir i perapera kpaa, ifer shi lu her.

Orpasenkwagh 5:8

Aluer wea nenge mkighir u i kighir icanor man mvihi u ijirôron kua mimi ken ipaven ugen yô, kwagh shon a̱ de kpiligh we iyol ga, gadia u a hembe tahav ngu kenger u a lu a tahav la, man shi mbagenev mba hemban ve kpaa mba.

Orpasenkwagh 7:7

Mimi je inyaregh ki ngohol sha apera ka ki gema orfankwagh nan hingir ibumeor, inyaregh ki yamen ishô ki vihin mkav kera.

Orpasenkwagh 8:9

Akaa ne cii m nenge, shi m ver ishima m nenge tom u i eren shin tar cii, shighe u or ka nana lu a tahav sha orgen yô, nan eren nan ican.

Yesaia 5:7

Gayô, sule u wain u TER u akum a Sha ne, ka ya u Iserael je, ior mba Yuda kpaa ka mende u sha ishima Na je; A ver ishima sha ijirôron i mimi, kpa nenge, gema ka awambe a haan inya, man shi sha perapera, kpa nenge gema ka mliam.

Yesaia 51:23

Me gema u, Me na sha ikev i mba ve eren we ican la; ve mba ve kaan a we er: Ngurum nen, sé unde sha a ven; man u gema ijime you hingir er inya nahan, man er ka gbenda u mba ve zenden sha u yô.

Yesaia 59:7

Angahar a ve nga zan ayem sha u za eren kwaghbo; mba zan fefa sha u za haan awambe a orishôôgh; mbamhen vev ka mbamhen mba ifer tsô, myôhôr kua mtim mba sha igbenda ve.

Yeremia 16:7

á coon kwaghyan u zungwen ku, sha u á sur or ishima a mi ga; man á na or iyongo i surun ishima sha u nana ma sha ci u ter u nan, shin ngô u nan kpaa ga.

Ukwelegh 1:16

Ka nahan man m lu vaan mliam ye; ashe am nga ndôôr mliam, sha ci u orsurunshima u una taver uma wam ngu ca a mo; ônov av kpaa kondo ve iyol sha ci u orihom hemba.

Ukwelegh 1:17

Shion ngu naregh ave na, orsurun un ishima nan ngu ga; TER na zwa sha Yakob er, mba ve kase un cii ve̱ lu mbaahendanev nav; Yerusalem hingir ve er ka kwagh u hôngorough ken atô ve nahan.

Ukwelegh 1:2

Ngu vaan mliam tsung tugh, mliam nam ndôôr un sha ahenge; mba a doo ve ishima mbala cii, mo ve u surun un ishima ngu ga; akar a na cii tsugh un, ve hingir mbaihomov nav.

Ukwelegh 1:9

Ihôngor na var un sha akondo; a umbur mkur na ga; nahan yô, mgbe na kpiligh iyol je; ngu a ma or u surun un ishima ga; TERE, nenge ican yam, gadia orihom kende iyol na sha!

Amoshi 3:10

Gadia ve kera fa u eren kwagh u mimi ga, kape TER A kaa ne, ve mba ve ombon ipila man iv ken ayou a ve a tor la.

Amoshi 3:9

Yôô nen sha ayouator a Ashedodi, man sha ayouator a ken tar u Igipiti, ner: Kohol nen sha iwo i Samaria, yô, nenge, uzegembaayôôsov mba ve lu ker, man mbamkighir mba ker atô na la.

Malaki 2:13

Kwagh ne kpaa shi ne mba eren: ne mba cirin atse a TER a nanden nagh sha mi la, sha mlia man kwelegh man ishimashirin, sha ci u A kera wa nagh iko ga, A ngohol ku sha uwegh enegh sha ishima i gbar gbar kpaa ga yô.

Malaki 3:18

Tsô né gema né kav mkposo u orperapera a iferor, man u or u civir Aôndo a or u civir Un ga la.

Malaki 3:5

Me kporom her a ven sha u ôron ijir, Me lu Orshiada fese je sha mbaahiriv man sha udyambaiorov man sha mbabumun sha aie man sha mba ve kighir or u eren tom sha tôndo sha injar i nan, kua kwasecôghol man wancôghol kpaa, man mba ve daan shiror kera, man ve ciem ga, kape TER u akum a Sha A lu kaan ne.

Mateu 26:56

Kpa kwagh ne cii er sha er uruamabera mba uprofeti ve̱ kure sha mi vough yô. Hen shighe la je, mbahenen mbala cii undu Un yevese.

Duteronomi 28:33

Iyiagh ki sule wou man tom wou u ican cii, ikurior igen i u fe i ga, ia ya; kpa we yô, á gbaa kighir we eren we ican gbem tsô;

Duteronomi 28:48

nahan ú er mbaihomov ou mba TER Una tindi ve hen we tom u kpan a ijen man imura man idyelegh man mban u akaa cii; Una penda u igbur i iyô sha mon, zan zan Una tim u.

Yakobu 5:4

Nenge mba ve yar sunda ken ishule yen yô, injar ve i ne ya la ngi genger imo. Ivaa i mbasundan kpaa i nyôr ken ato a Ter u akum a Sha.

Mbaajiriv 4:3

Tsô Mbaiserael vaa a TER; gadia un lu a akekeautya a iyôô deri utaankarunyiin; a lu eren Mbaiserael ican tsung, anyom ikundu je.