Orpasenkwagh 3:3 - ICIGHAN BIBILO

³ shighe u wuan ngu, man shighe u waren; shighe u yôhôl, man shighe u maan kpaa;

Orpasenkwagh 3:3 Iomraidhean Croise

Genese 9:6

Or u nan hee awambe a or inya yô, shi ka sha ikev i or á haa di awambe a nan inya ye; gadia ka sha mlu u Aôndo je, A er or ye.

Yesaia 44:26

M taver kwaghôron u wanakiriki Wam, M kur kwagh sha imo i mbatyomov Av vough; M kaa a Yerusalem Mer: Ior ve̱ tema ker; man a agar a Yuda kpaa, Mer: I̱ maa a her, Me shi Me maa atse a na,

Yesaia 6:10

Er, ishima i ior ne i̱ wa ahôm, man ato ve a̱ yuhwa, cir ve ashe, sha er ve̱ de nengen sha ashe ve ga, ve̱ de ongo sha ato ve kpaa ga, shi ve̱ de kaven ken ishima, ve̱ gema man i̱ bee ve angev kpaa ga.

Yeremia 1:10

nenge, nyian M ver u sha akuraior man sha ityartor, sha u wuhen man u yôhôl, u timin man u vihin kera, u maan man u lôôn.

Yeremia 31:28

Tsô, er lu M ver ishima sha a ve u wuhen man u yôhôl man u karen a mi sha, man u timin man u vihin ve kera la, kape Me gema Me ver ishima sha u maan man u môôr ve la, kape TER A kaa ne.

Yeremia 33:6

Nenge, Me va un a mkpeyol man mwar, Me bee ve angev; Me pase ve mngee u bem u been ga.

Yeremia 45:4

Kaa a na nahan wer: TER ngu kaan nahan er: Nenge, kwagh u M maa yô, Me yôhôl un, man kwagh u M môôr kpaa, Me wuhe un; kape á lu sha tar cii la.

Esekiel 13:14

Kape Me yôhôl kpekpe u ne shighe un ivue la, Me yôhôl un je á mande shin inya; nahan imagh kia due sha; una gba man ne kpaa á tim ne kimi; man nea fa er Mo M lu TER ye.

Hagai 1:2

TER u akum a Sha ngu kaan nahan er: Ior mban mba kaan er: Shighe ngu a kuma u maan iyou i TER ga.

Hagai 1:4

Shin shighe kuma u ne ayol a en ne tsa ken ayou a en a i cir a ikpande sha yô, er iyou ne i gem i lu alôgh nahana?

Sekaria 1:12

Nahan Ortyom u TER la kaa er: TER u akum a Sha, shi nan je man Ú zungwe Yerusalem kua agar a Yuda mhôônom, a iyugh You i lu sha a je i kom anyom akunduatargber ne ase?

Duteronomi 32:39

Yô, nenge ka Mo je ne, ma aôndo ugen ngu a Mo imôngo ga; ka M wua, M shi M nder; M gber ivav, M shi M er i de kpaa; ma or môm ngu a tahav mbu nana yima ugen sha ikev Yam ga.

1 Samuel 2:25

Aluer or nan er orgen isholibo yô, Aôndo Una ôr nan ijir; kpa aluer or nana er Aôndo isholibo yô, ka an nana sôn sha ci u nana? Nahan kpaa ve wa iko sha imo i ter ve ga, gadia TER ver ishima u timin ve.

1 Samuel 2:6

TER ka A wua, A shi A na uma kpaa; ka A hungwa A or shin Sheol je, shi ka A due a or sha kpaa.