Orpasenkwagh 3:22 - ICIGHAN BIBILO

²² Nahan yô, ma kwagh u hemban doon ngu ga, saa u or nana ember ken ityom i nan tsô, gadia kwagh ne ka kwar u nan je ne; gayô, ka an nana hide a nan er nana va nenge kwagh u a er ken ijime i nan laa?

Orpasenkwagh 3:22 Iomraidhean Croise

Yobu 14:21

Ônov mba nan ve zua a icivir, kpa nan fa ga, shi ve gba ijime, kpa nan fa ma kwagh sha mi ga.

Orpasenkwagh 10:14

Ibumeor nan ngee kwaghôron; kpa or fa kwagh u una va er ga; man kwagh u una lu ken ijime i nan kpaa, ka an nana kaa unu?

Orpasenkwagh 11:9

Ember, wanyekwaor, sha iyev ou, ishima kpaa i̱ lu u saan saan sha ayange a u lu iyev yô, zende sha isharen i ishima you, man sha mnenge u ashe ou kpaa; kpa fa, sha ci u akaa ne cii, Aôndo Una va a we hen ijir.

Orpasenkwagh 2:18

Tom u m ye ican a mi shin tar cii u duem ishima, sha er m lu undun u sha ci u or u nana va ken ijime yam la yô.

Orpasenkwagh 2:24

Kwaghdoon ugen ngu ga, saa u or nana̱ ya kwagh nana̱ ma kwagh man á kpe uma u nan iyol ken tom u nan u sha ican la. Kwagh ne kpaa m nenge, ka sha ikev i Aôndo a dugh ye.

Orpasenkwagh 6:12

Gadia ka an nan fe kwagh u a hembe doon or sha mlu u nan sha ayange a uma u nan a gbilinigh cii, a a kar nan er mure la nahana? Gadia ka an nana fatyô u ôron or kwagh u una lu ken ijime i nan shin tara?

Orpasenkwagh 7:14

Sha iyange i mkpeyol yô, ember, sha iyange i ican yô, hen kwagh ken ishima: ngin kpaa Aôndo er i di er ngila nahan, sha u or nana̱ de fe ma kwagh u una va er ken ijime i nan la ga yô.

Orpasenkwagh 8:15

Nahan m wuese ishar i haan iyol, gadia ma kwagh ugen u hemban doon or sha won er nana ya kwagh, nana ma kwagh i̱ saan nan iyol yô, ngu ga, gadia ia lu a nan ken tom u nan u sha ican la, sha ayange a uma u nan cii, a Aôndo A ne nan shin tar yô.

Orpasenkwagh 8:7

gadia nan fa kwagh u una va er ga; man ka an nana fatyô u ôron nan er kwagh una va luu?

Orpasenkwagh 9:12

Gadia or fe shighe u nan ga; er ishu i i ker shin kper u bo yô, man er inyon i i ker sha kwaghhônon yô, kape ka i kôr ônov mba iorov sha shighe u bo, zum u ka a bur ve a bur la.

Orpasenkwagh 9:6

Dooshima ve kua ihom ve i kôron man iwuhe ve cii saa ishe ngise je; mayange je kera mba a ma ci sha akaa a a mase eren shin tar ga.

Daniel 12:13

Kpa we, yem tsô, zan zan mkur; gadia ú mem, man ú mough ú tile sha kwar wou, sha mkur u ayangegh.

Mateu 6:34

Nahan yô, asema a̱ de nyian ne sha kwagh u kper ga, gadia kper una gba nôngon sha kwagh na iyol na tsô; hanma iyange zayol u i lu a mi la, kuma i.

Duteronomi 12:18

kpa ka sha ishigh ki TER Aôndo wou ú yaan akaa ne ye, hen ijiir i TER, Aôndo wou, Una tsuwa yô, we, man wan wou u nomso man wan wou u kwase man kpan wou u nomso man kpan wou u kwase man Orlevi u nan va nyer u a nyôr; ember sha ishigh ki TER, Aôndo wou, sha akaa a u ker ave sha mi cii.

Duteronomi 12:7

Shi ka her né yaan kwagh sha ishigh ki TER, Aôndo wen, ne a ior enev, né ember sha hanma kwagh u ne ker ave sha mi, u TER, Aôndo wou, A ne u iveren sha mi yô.

Duteronomi 28:47

Er u kera civir TER, Aôndo wou, a ishima i iember man i saan saan ga, sha ci u, u ngee a akaa yum yô,