Orpasenkwagh 3:19 - ICIGHAN BIBILO

¹⁹ Gadia kwagh u a eren ônov mba iorov yô, ka un je shi ka a er ishôso ye, ka kwagh shon la môm ngu a tser ve cii ye; er ngun a kpe nahan, kape ngula kpaa a kpe la; een, ve cii iôôn ve ngi môm; or hemba ishôso sha ma kwagh je ga; gadia ka gbilinkwagh cii.

Orpasenkwagh 3:19 Iomraidhean Croise

2 Samuel 14:14

Gadia sé kpe kpee, sé lu er mngerem ma i hee inya i kera fetyô u kuran ga nahan; Aôndo kera ngohol a ngohol uma kera ga, kpa ka A ker gbenda sha er or u i zende nan la i̱ de te nan kera ga yô.

Upasalmi 104:29

Ka Wea yer ishigh You yô, i za ve iyol; ka Wea tôô ve iôôn kera yô, ve kpe, ve gema ve hingir vuulevu.

Upasalmi 49:12

Kpa or a icivir i nan la cii, nan tem gbem ga, nan ngu er ishôso i saan ishe nahan.

Upasalmi 49:13

Ungun ka gbenda u mba ve suur sha ayol a ve, vea za sha mi yô, kua mba ve dondo ve ityô, ve rumun mkaanem vem la kpaa. Sela.

Upasalmi 49:20

Kpa or u nan lu a icivir, man nan fe kwagh ga yô, nan ngu er ishôso i saan ishe nahan. Ka Pasalmi u Asav

Orpasenkwagh 1:14

M nenge tom u i eren shin tar cii; yô, nenge ase, ka gbilinkwagh ci ca, ka u zendan ahumbe ityô tsô!

Orpasenkwagh 1:17

M ver ishima yam sha u fan kwaghfan kua mfe, man sha u fan ihundugh kua ibumegh; tsô m kav, ngun kpaa ka u zendan di ahumbe ityô tsô.

Orpasenkwagh 2:14

Orfankwagh ngu a ashe sha ityough ki nan, ibumeor yô, nan zenden ken ime; nahan kpaa, m kav kwagh u tseren ve ngu di inja i môm tsô.

Orpasenkwagh 2:16

Gadia á kera umbur orfankwagh sha won ga, di er ibumeor nahan vough; gadia sha ayange a ken hemen yô, akaa cii hungul kera ve. Kape ku u orfankwagh man ibumeor u lu inja i môm je nee!

Orpasenkwagh 7:2

Guda u zan hen ya u mlia a u zan hen ya u iniongo, gadia ngula ka mkur u ior cii, or u uma nana̱ lu a kwagh ne ken ishima i nan.

Orpasenkwagh 9:12

Gadia or fe shighe u nan ga; er ishu i i ker shin kper u bo yô, man er inyon i i ker sha kwaghhônon yô, kape ka i kôr ônov mba iorov sha shighe u bo, zum u ka a bur ve a bur la.

Orpasenkwagh 9:2

Akaa cii nga ve sha ior inja i môm; ci môm ngu sha ci u orperapera man iferor kpaa, man ormimi kua or u wang man or u nan lu wang ga kpaa, man or u nan ne nagh kua or u nan ne ga kpaa; er ormimi nan lu nahan, kape orsholibo kpaa nan lu la; man or u bumun kpaa nan ngu er or u cian mbum nahan.

Numeri 16:29

Aluer ior mban vea kpe er ior cii ve kpen nahan, shin ma kwagh á er ve u a eren ior mbagenev kpaa yô, ka TER A tindim ga.