Orpasenkwagh 3:12 - ICIGHAN BIBILO

¹² M fa ma kwagh u hemban doon ve ngu ga, saa u ember man u eren akaa a dedoo sha ayange a ve lu uma la cii.

Orpasenkwagh 3:12 Iomraidhean Croise

Upasalmi 37:3

Suur sha TER, eren akaadedoo, tema ken tar la, dondo sha kwagh u mimi.

Orpasenkwagh 11:9

Ember, wanyekwaor, sha iyev ou, ishima kpaa i̱ lu u saan saan sha ayange a u lu iyev yô, zende sha isharen i ishima you, man sha mnenge u ashe ou kpaa; kpa fa, sha ci u akaa ne cii, Aôndo Una va a we hen ijir.

Orpasenkwagh 2:24

Kwaghdoon ugen ngu ga, saa u or nana̱ ya kwagh nana̱ ma kwagh man á kpe uma u nan iyol ken tom u nan u sha ican la. Kwagh ne kpaa m nenge, ka sha ikev i Aôndo a dugh ye.

Orpasenkwagh 2:3

M time ken ishima yam, m ker gbenda u mea er man á kpem iyol sha wain, er ishima yam lu zan a mo sha kwaghfan heregh yô, man er mea er man me kôr lanegh, zan zan me kar nengen kwagh u a doo u ônov mba iorov vea er sha won sha ayange a uma ve cii yô.

Orpasenkwagh 3:22

Nahan yô, ma kwagh u hemban doon ngu ga, saa u or nana ember ken ityom i nan tsô, gadia kwagh ne ka kwar u nan je ne; gayô, ka an nana hide a nan er nana va nenge kwagh u a er ken ijime i nan laa?

Orpasenkwagh 8:15

Nahan m wuese ishar i haan iyol, gadia ma kwagh ugen u hemban doon or sha won er nana ya kwagh, nana ma kwagh i̱ saan nan iyol yô, ngu ga, gadia ia lu a nan ken tom u nan u sha ican la, sha ayange a uma u nan cii, a Aôndo A ne nan shin tar yô.

Yesaia 64:5

Or u nan eren perapera saan saan la yô, U kegh nan gbenda, ka mba ve umbur We sha igbenda You. Nenge, U yuwe, se kpaa se er asorabo, se lu ken a ica i gba, nahan sé war je kpa?

Luka 11:41

Kpa na nen iwua sha akaa a lu kimi; nahan man akaa cii aa lu ne wang ye.

Aerenakaa A Mbaapostoli 20:35

Ken akaa cii m tese ne ikav mer, ka sha u eren tom nahan man i doo u né wase mba ve taver ga la ye. Man shi umbur nen akaaôron a Ter Yesu A lu ôr iyol Na yô, er: U nan a na kwagh hembe saan iyol a u ngohol a ngohol kwagh.

Duteronomi 12:18

kpa ka sha ishigh ki TER Aôndo wou ú yaan akaa ne ye, hen ijiir i TER, Aôndo wou, Una tsuwa yô, we, man wan wou u nomso man wan wou u kwase man kpan wou u nomso man kpan wou u kwase man Orlevi u nan va nyer u a nyôr; ember sha ishigh ki TER, Aôndo wou, sha akaa a u ker ave sha mi cii.

Duteronomi 12:7

Shi ka her né yaan kwagh sha ishigh ki TER, Aôndo wen, ne a ior enev, né ember sha hanma kwagh u ne ker ave sha mi, u TER, Aôndo wou, A ne u iveren sha mi yô.

Duteronomi 26:11

Ember sha akaa a dedoo a TER, Aôndo wou, A ne u a ya wou cii yô, we man Orlevi kua shiror u a nyer u a nyôr la kpaa.

Duteronomi 28:63

Tsô, er TER A ember ne sha u Una ver ne doo doo, man Una seer ne iyenge la, kape TER Una ember ne sha u nan ne, né saa ishe man sha u Una tim ne la; á kar a ven ken tar u ú ze sha u za ngohol u la kera.

1 Timoteu 6:18

Ve̱ eren akaa a dedoo ve̱ lu mbanyarev sha aeren a dedoo, ve̱ naan iwua, ve̱ panden kwagh ve̱ naan mbagenev kpaa,