Orpasenkwagh 2:8 - ICIGHAN BIBILO

⁸ M kohol azurfa man zenaria, man akaainjaa a utor man a sha ityar kposo kposo; m lu a mbaatsamev mba nomso kua mba kasev, man akaa a saren ônov mba iorov, man hanma injakwagh i doon ior cii;

Orpasenkwagh 2:8 Iomraidhean Croise

2 Samuel 19:35

Nyian anyom a am kuma anyom akunduanyiin je; me fatyô u fan mkposo u kwagh u a doo shin u a vihi kpa? Wanakiriki wou fa u benden kaven mnyohom ma kwagh u me ya shin u me ma? M shi m fatyô u ungwan imo i nomso kua kasev mba wan atsam kpaa? Ka nyi man wanakiriki wou una gema á seer a seer terem tor icanaa?

1 Utor 10:10

Tsô a na tor zenaria kuma utalenti deri man ikundu, man ilyôghonov kpaa ngee kpishi kua awen a injaa; mayange je i kera shi va nyôr a ilyôghonov kpishi er mbi torkwase u Sekeba na tor Solomon la nahan ga.

1 Utor 10:14

Myohom ma zenaria ma Solomon a zua a mi sha inyom i môm yô, lu zenaria kuma utalenti deri ataratar man akundu atar kar ataratar;

1 Utor 10:21

Ayongo a man kwagh a min a tor Solomon cii lu a zenaria, man ikav mbi ken Iyou i Ikô i Lebanon cii kpaa lu mbi zenaria cii, azurfa lu sha mi ga; gadia sha ayange a Solomon la a lu kwagh u ikoogh ga.

1 Utor 11:3

A lu a kasev deri utaankaruhar, ônov mba utor, man kasev mba sha uika deri utar; nahan kasev nav gema un ishima.

1 Utor 14:27

Nahan tor Rehobiam er iperutya igen sha togula sha ityouv mbi ingila; a ver i sha ikev i mbahemenev mba mbakuran, mba ve kuran hundaya u tor yô.

1 Utor 9:14

Hiram kpaa tindi tor a utalenti mba zenaria deri man ikundu.

1 Utor 9:28

Nahan ve za hen Ofir ve za kura zenaria keregh, kuma utalenti deri unyiin man ikundu, ve va na tor Solomon.

1 Kroniku 25:1

Tsô Davidi man mbahemenev mba akumautya ve tsegha ônov mba Asav mbagenev man ônov mba Heman kua mba Yedutun kpaa, sha ci u tom la, sha u ve̱ pasen kwagh sha imo a umolo man a mbaadiguve kua a ukwen. Iyenge i mba ve lu eren tom la sha inja i tom ve yô:

1 Kroniku 25:6

Mban cii ve lu sha ikev i ter ve, sha ci u wan atsam ken iyou i TER a ukwen man mbaadiguve man umolo sha ci u tom u ken iyou i Aôndo sha imo i tor; ka Asav man Yedutun kua Heman.

2 Kroniku 9:11

Tor er agbur a unden zan sha iyou i TER kua sha iyou i tor kpaa sha ikon i sandal la, kua umolo man mbaadiguve sha ci u mbawanatsam, mayange i lu a vande nengen a anza la nahan ken tar u Yuda ga.

Esera 2:65

i wa mbatomov vev mba nomso man mba kasev ker ga, ve yô, ve lu ior dubu utaankaruhar man deri utar man ikundugber kar utaankaruhar; man ve lu a mbawanatsam deri uhar, lu nomso kua kasev.

Orpasenkwagh 1:2

Gbilinkwagh u agbilinakaa, kape Orpasenkwagh a kaa ne, gbilinkwagh u akaagbilinigh, ka gbilin cii.

Daniel 3:15

Hegen yô, aluer né wa ago iyol sha shighe u né ungwa imo i kor man imar man molo man gbange man adiguve man ikpaimar man hanma inja i ityougholough cii yô, man né gure inya, né sugh eev mbu m er la yô, doo; kpaa aluer né sugh mbu ga yô, á gbihi ne ken atô u atse a usu u yeghen ker la, hen shighe la je: ka hanma aôndo je una yima ne sha ikev yama?

Daniel 3:5

shighe u nea ungwa imo i kor ma imar man molo man gbange man adiguve man ikpaimar man hanma inja i ityougholough cii yô, gure nen inya, sugh nen eev mbu zenaria mbu tor Nebukadinesar a er la;

Daniel 3:7

Nahan, hen shighe u ior cii ve ongo imo i kor man i mar man molo man gbange man adiguve man hanma inja i ityougholough cii yô, ior man akuraior man ijô cii, ve gure inya, ve sugh eev mbu zenaria mbu tor Nebukadinesar a er la.

Amoshi 6:5

mba ve we atsam a gbilinigh sha imo a adiguve; mba ve dugh mbamhen sha u eren ityougholov er Davidi nahan;