Orpasenkwagh 2:24 - ICIGHAN BIBILO

²⁴ Kwaghdoon ugen ngu ga, saa u or nana̱ ya kwagh nana̱ ma kwagh man á kpe uma u nan iyol ken tom u nan u sha ican la. Kwagh ne kpaa m nenge, ka sha ikev i Aôndo a dugh ye.

Orpasenkwagh 2:24 Iomraidhean Croise

1 Utor 4:20

Yuda man Iserael ve ngee kpishi er waarawa hen kpe u zegemnger nahan, ve lu yan akaa, man akaa, ve lu yagh yagh.

Nehemia 8:10

Shi a kaa a ve er: Gba yemen nen tsô, za ya nen tar, ma nen kwaghnyohon, tindi nen mba i er kwagh sha ci ve ga la a kwar; gadia nyian ka icighaniyange i TER wase je, ishima i̱ de kera vihin ne ga; gadia iember i ne ember TER la ka agee a en je.

Orpasenkwagh 2:10

Hanma kwagh u a sar ashe am yô, m nyume a ga, m nyume ishima yam hanma kwagh u iember ga, gadia ishima yam ember sha tom wam u m ye ican sha mi cii; ka kwagh ne je lu injar yam i sha tom wam cii u m ye ican sha mi la ye.

Orpasenkwagh 2:25

Gadia ka an nana fatyô u gban yan kwagh, man ka an nana fatyô u ember, aluer a lu Un ga yô?

Orpasenkwagh 2:3

M time ken ishima yam, m ker gbenda u mea er man á kpem iyol sha wain, er ishima yam lu zan a mo sha kwaghfan heregh yô, man er mea er man me kôr lanegh, zan zan me kar nengen kwagh u a doo u ônov mba iorov vea er sha won sha ayange a uma ve cii yô.

Orpasenkwagh 3:22

Nahan yô, ma kwagh u hemban doon ngu ga, saa u or nana ember ken ityom i nan tsô, gadia kwagh ne ka kwar u nan je ne; gayô, ka an nana hide a nan er nana va nenge kwagh u a er ken ijime i nan laa?

Orpasenkwagh 5:17

Ayange a nan cii nan ye kwagh ken ime a ishima i vihin man angev kua iyugh.

Orpasenkwagh 6:12

Gadia ka an nan fe kwagh u a hembe doon or sha mlu u nan sha ayange a uma u nan a gbilinigh cii, a a kar nan er mure la nahana? Gadia ka an nana fatyô u ôron or kwagh u una lu ken ijime i nan shin tara?

Orpasenkwagh 6:2

ka or u Aôndo A ne nan akaa kpishi, inyaregh man icivir, je nan kera ban a ma kwagh sha ci u uma u nan sha akaa a a sar nan la ga; nahan kpaa, Aôndo na nan tahav mbu yan a ga, kpa ka orgen nana ya a ye; kwagh ne kpaa ka gbilinkwagh, ka bocan je.

Orpasenkwagh 8:15

Nahan m wuese ishar i haan iyol, gadia ma kwagh ugen u hemban doon or sha won er nana ya kwagh, nana ma kwagh i̱ saan nan iyol yô, ngu ga, gadia ia lu a nan ken tom u nan u sha ican la, sha ayange a uma u nan cii, a Aôndo A ne nan shin tar yô.

Yesaia 56:12

Va nen (kape ve kaa la) me za va a wain, sé ma msôrom ma yuwan sé ide nen; kper kpaa á lu er nyian nahan, á lu iyange i vesen je, á gande.

Malaki 2:2

Aluer né ver ato ga, man né ver ishima sha mi sha u né na iti Yam icivir ga yô, kape TER u akum a Sha A kaa ne, nahan Me haa ne ifan, Me wa iveren yen kpaa ifan; een, M vande wan i ifan kera kpaa, sha ci u ne ver ishima ga yô.

Aerenakaa A Mbaapostoli 14:17

Nahan kpaa mayange A de u pasen iyol Na ga, eren akaa a dedoo, A nôôn ne ura u senen sha, A ivin asema a en a kwaghyan man msaanyol kpaa.

1 Mbakorinte 15:32

Aluer i lu sha inja i or man m nôngo a inyamikume ken Efese yô, i lum a inja sha nyi? Aluer mba nderen mbakpenev ga yô, se gbaa yan nen akaa man akaa tsô, gadia kper se mba kpen.

Duteronomi 12:12

né ember sha ishigh ki TER, Aôndo wen, ne a ônov enev mba nomso man mba kasev man ikpan yen i nomso man i ukase man Orlevi u nan va nyer u a nyôr, sha ci u nan lu a kwar shin dyako a ven imôngo ga yô.

Duteronomi 12:18

kpa ka sha ishigh ki TER Aôndo wou ú yaan akaa ne ye, hen ijiir i TER, Aôndo wou, Una tsuwa yô, we, man wan wou u nomso man wan wou u kwase man kpan wou u nomso man kpan wou u kwase man Orlevi u nan va nyer u a nyôr; ember sha ishigh ki TER, Aôndo wou, sha akaa a u ker ave sha mi cii.

1 Timoteu 6:17

Mba ve lu mbanyarev ken tar u ainge ne yô, wa ve kwagh wer, ve̱ de gengese ayol a ve ga, ve̱ de veren ishima sha inyaregh ki i fe kwagh sha min ken hemen ga la ze, kpa ve̱ ver ishima sha Aôndo u A ne se akaa cii wuee sha u se̱ er kwagh a mi yô.