Orpasenkwagh 2:16 - ICIGHAN BIBILO

¹⁶ Gadia á kera umbur orfankwagh sha won ga, di er ibumeor nahan vough; gadia sha ayange a ken hemen yô, akaa cii hungul kera ve. Kape ku u orfankwagh man ibumeor u lu inja i môm je nee!

Orpasenkwagh 2:16 Iomraidhean Croise

2 Samuel 3:33

Tor dugh kwelegh sha ku u Abiner, a kaa er: Abiner gba kpen er ibumeor ka nan kpe nahan tsôô?

Upasalmi 103:16

zum u ahumbe a te sha mi la, a kar kera; ijiir na tsô kpaa i kera fa un ga.

Upasalmi 49:10

gadia nan nengen mbafankwagh mba kpen, ibumeor man or u tumbuluu ka ve saa ishe imôngo, ve gema ve undu mbagenev a inyaregh vegh.

Upasalmi 88:12

Á fa akaa a Ou a kpilighyol ken ime? man perapera Wou kpaa ken tar u mhungulu?

Ekesodu 1:6

Tsô Yosev kpe a anngôôv nav kua kov la cii.

Ekesodu 1:8

Tsô tor ugen u he tema tor ken Igipiti, u a fa kwagh u Yosev ga yô.

Anzaakaa 14:8

Kwaghfan u or u nan lu a mfe ngu sha ci u nana kar gbenda u nan, kpa ibumegh ki abumeaior yô, ka icugh je.

Orpasenkwagh 1:11

Mba umbur ior mba tsuaa ga, man mba ve lu van ken hemen kpaa, mba vea mase van vea umbur di ve ga.

Orpasenkwagh 2:14

Orfankwagh ngu a ashe sha ityough ki nan, ibumeor yô, nan zenden ken ime; nahan kpaa, m kav kwagh u tseren ve ngu di inja i môm tsô.

Orpasenkwagh 2:15

Tsô m ôr ken ishima yam mer, kwagh u á er ibumeor la, mo kpaa una erem di nahan vough, nahan shi m hemba kwaghfan sha ci u nyi? Tsô shi m kaa ken ishima yam mer, kwagh ne kpaa ka gbilinkwagh je.

Orpasenkwagh 6:8

Ka sha nyi je orfankwagh nan hembe ibumeoro? Shin icanor, u nan fe u zenden sha ishigh ki uuma yô, nan hemba sha nyi?

Orpasenkwagh 7:2

Guda u zan hen ya u mlia a u zan hen ya u iniongo, gadia ngula ka mkur u ior cii, or u uma nana̱ lu a kwagh ne ken ishima i nan.

Orpasenkwagh 8:10

Tsô m nenge i ii aferaior, ve sen shin uwar, man mba ve lu eren dedoo la, i gema i dugh ve ken ijiir i wang kera, ve hungul ken gar kpaa; kwagh ne kpaa ka gbilinkwagh.

Orpasenkwagh 9:15

Tsô i zua a icanor u fan kwagh kimi, man un gema yima gar la sha kwaghfan na; nahan kpaa ma or kera umbur icanor shon la ga.

Orpasenkwagh 9:5

Gadia mbaumav fa er vea kpe, yô, kpa mbakpenev yô, fa ma kwagh ga, kera mba a ma injar kpaa ga, u umbur ve tsô kpaa mba kera umbur ve ga.

Malaki 3:16

Tsô mbacian TER kpaa gema ôr kwagh ayol a ve; TER kpaa ver ato, ungwa, i nger ruamabera u umbur akaa sha ishigh Nagh, sha ci u mba ve cie TER, man mba ve civir iti Na yô.

Mbaheberu 9:27

Er i ver ior u kpen kwa môm man á mase ôron ijir yô,