Orpasenkwagh 2:10 - ICIGHAN BIBILO

¹⁰ Hanma kwagh u a sar ashe am yô, m nyume a ga, m nyume ishima yam hanma kwagh u iember ga, gadia ishima yam ember sha tom wam u m ye ican sha mi cii; ka kwagh ne je lu injar yam i sha tom wam cii u m ye ican sha mi la ye.

Orpasenkwagh 2:10 Iomraidhean Croise

Genese 3:6

Tsô zum u kwase la nenge er kon la u doo u yan, man shi er u doo ashe kpaa, man u lu kwagh u saren sha u nan or kwaghfan yô, a zôr atam a u, a ya, shi a na nom na, u lu vea na la, un kpaa ya je.

Genese 6:2

ônov mba Aôndo nenge ônkasev mba iorov doo ashe; tsô ve er kasev mba sha asema a ve cii.

Yobu 31:1

M ya ikur a ashe am; nahan á er nan man me kenger sha iniunkwasa?

Upasalmi 119:37

Gemam ashe kera sha u kenger gbilinkwagh, man taver uma wam u zan sha igbenda You.

Upasalmi 128:2

Gadia ú ya kwagh sha tom u tsung u ave ou la, á lu u saan saan, á kpe u iyol kpaa.

Anzaakaa 23:5

sar u ka veren ashe sha mini? Yô, ki ga; gadia ki wa akper fefa je, er gafa ka a purugh a yem sha nahan.

Orpasenkwagh 11:9

Ember, wanyekwaor, sha iyev ou, ishima kpaa i̱ lu u saan saan sha ayange a u lu iyev yô, zende sha isharen i ishima you, man sha mnenge u ashe ou kpaa; kpa fa, sha ci u akaa ne cii, Aôndo Una va a we hen ijir.

Orpasenkwagh 2:1

M kaa ken ishima yam mer: Yô, me kar u sha msaanyol; nahan yô, i̱ kpe u iyol sha ishar i haan iyol; kpa nenge, kwagh ne kpaa lu gbilinkwagh tsô.

Orpasenkwagh 2:22

Gadia ka nyi kwagh man or nana zua a mi sha tom u nan cii man sha mnenge u tsung u sha ishima i nan, u nan ye ican sha mi shin tara?

Orpasenkwagh 2:24

Kwaghdoon ugen ngu ga, saa u or nana̱ ya kwagh nana̱ ma kwagh man á kpe uma u nan iyol ken tom u nan u sha ican la. Kwagh ne kpaa m nenge, ka sha ikev i Aôndo a dugh ye.

Orpasenkwagh 3:22

Nahan yô, ma kwagh u hemban doon ngu ga, saa u or nana ember ken ityom i nan tsô, gadia kwagh ne ka kwar u nan je ne; gayô, ka an nana hide a nan er nana va nenge kwagh u a er ken ijime i nan laa?

Orpasenkwagh 5:10

Or u azurfa a doo nan yô, azurfa una kuma nan ga; u nan keren inyaregh ki ngeen kpaa, mtsera una kuma nan ga; kwagh ne kpaa ka gbilinkwagh tsô.

Orpasenkwagh 5:17

Ayange a nan cii nan ye kwagh ken ime a ishima i vihin man angev kua iyugh.

Orpasenkwagh 5:18

Nenge, kwagh u m nenge a doo man a lu vough hen or yô, ka u nana̱ ya kwagh, nana̱ ma kwagh, nana̱ ember sha tom u nan cii, u nan er sha ican shin tar, sha ayange a nan a Aôndo A ne nan cii, gadia kwagh ne ka kwar u nan je la.

Orpasenkwagh 6:2

ka or u Aôndo A ne nan akaa kpishi, inyaregh man icivir, je nan kera ban a ma kwagh sha ci u uma u nan sha akaa a a sar nan la ga; nahan kpaa, Aôndo na nan tahav mbu yan a ga, kpa ka orgen nana ya a ye; kwagh ne kpaa ka gbilinkwagh, ka bocan je.

Orpasenkwagh 6:9

Guda u nengen a kwagh sha ashe a u lun a isharen sha akaa wuee la; kwagh ne kpaa ka gbilinkwagh je, ka u zendan di ahumbe ityô tsô.

Orpasenkwagh 8:15

Nahan m wuese ishar i haan iyol, gadia ma kwagh ugen u hemban doon or sha won er nana ya kwagh, nana ma kwagh i̱ saan nan iyol yô, ngu ga, gadia ia lu a nan ken tom u nan u sha ican la, sha ayange a uma u nan cii, a Aôndo A ne nan shin tar yô.

Orpasenkwagh 9:6

Dooshima ve kua ihom ve i kôron man iwuhe ve cii saa ishe ngise je; mayange je kera mba a ma ci sha akaa a a mase eren shin tar ga.

Orpasenkwagh 9:9

Tema saan saan a kwase u a doo u ishima sha ayange a uma wou u gbilinigh la cii a A ne u shin tar yô, ayange a ou a gbilinigh la cii, gadia ka kwar wou u sha uma wou je la, kua ken tom wou u u ya ican sha mi shin tar yô.

1 Yohane 2:16

Gadia akaa a a lu shin tar cii, isharen i iyolough, man isharen i ashee man ihagh i uma ne, ka a Ter ga, ka a taregh tsô.

Mbaajiriv 14:2

Nahan a kôndo a za ôr ter na kua ngô na, a kaa er: M nenge a kwase, ka wan u Mbafiliti ken Timna; nahan yô, erem nen un.