Orpasenkwagh 12:7 - ICIGHAN BIBILO

⁷ man vuulevu shi ua hide shin inya er i lu tsuaa nahan, jijingi kpaa una hide her Aôndo U lu na un yô.

Orpasenkwagh 12:7 Iomraidhean Croise

Genese 18:27

Aberaham gema kaa er: Nenge, m gbe cihin ôron kwagh a TER tsô, mo u m lu di inya kua mtwem tsô ne;

Genese 2:7

TER Aôndo maa or sha vuulevu u inyaagh, fehe nan iôôn i uma ken ahenga, or la maa hingir or u uma:

Genese 3:19

ka sha iusa i sha ishigh you man ú ya kwaghyan ye, zan zan ú hide hen inya, gadia ka i, i tee, i er u min ye, gadia u ngu vuulevu, nahan ú shi ú hide ú hingir vuulevu.

Yobu 20:11

akuhe a nan iv a agee a iyev mbu nan, kpa mbu yav a nan imôngo shin vuulevu.

Yobu 7:21

Er nan man U dem kwaghbo wam, man U hir a iferkwagh yam kera ga? Gadia ahegen shi côhin tsô, me yav shin vuulevu; Ú kerem, kpa me lu ga.

Upasalmi 103:14

Gadia Un yô, A fa mlu wase, A umbur er se lu vuulevu je yô.

Upasalmi 104:29

Ka Wea yer ishigh You yô, i za ve iyol; ka Wea tôô ve iôôn kera yô, ve kpe, ve gema ve hingir vuulevu.

Upasalmi 146:4

zum u iôôn i nan ka ia due yô, nan shi nan hide hen inya i nan, sha iyange la je mbamhen mba nan saa ishe.

Upasalmi 31:6

M kôr mba ve we iko sha agbilinakaa a aiegh la ihom; mo yô, m ngu suur sha TER.

Upasalmi 90:3

Ka U gema or, nan hingir vuulevu; U kaa wer: Hide nen ijime, ne ônov mba iorov!

Yesaia 57:16

Gadia Me kera zôhô zan zan ga, man shi Me kera yuwe gbem kpaa, ga; gayô jijingi una ule sha ishigh Yagh, kua uuma mba M er la.

Yeremia 38:16

Nahan tor Sedekia bum a Yeremia ken myer er: Er TER u A ne se uma ne, A lu u uma ne, Me wua u ga man shi me na u sha ikev i ior mban mba ve keren uma wou kpaa ga.

Daniel 12:2

Ior kpishi ken mba ve lu yaven shin vuulevu u taregh vea nder, mbagenev sha u zan ken uma u tsôron, man mbagenev di sha u zan ken kunya man iheen i been mayange ga.

Sekaria 12:1

Ka mkaanem ma TER ôr sha Iserael. TER ngu ôron kwagh, Un u A samber Usha, u A tim imagh ki taregh, man A er jijingi u or ken a nan yô, er:

Numeri 16:22

Kpa ve gure ve kuma ishiv inya, ve kaa er: Ahii! Aôndo u ujijingi mba uumace cii, or môm nan er kwaghbo, tsô Ú gema Ú yuwe ior cii?

Numeri 27:16

TER, Aôndo u ujijingi mba uuma cii, A̱ ver ior mban or

Luka 23:46

Yesu kpaa yila sha imo i taver genger genger er: Tere, M na jijingi Wam sha ikev You. Kaan nahan yô, maa A sule.

Aerenakaa A Mbaapostoli 7:59

Ve ta Sefanu awen, lu yilan kaan er: Ter Yesu, ngohol jijingi wam!

Mbaheberu 12:23

man mkohol u mbaiundav mba i nger ve ati Sha, man Aôndo, Orjir u akaa cii, man ujijingi mba mbaperapera mba i gema ve ve hingir vough la,

Mbaheberu 12:9

Kwagh ugen yô, se lu a uter asev mba ken iyol, ve lu kôôm se, se lu ungwan imo ve man hire Ter u ujijingi la, se kera hemba ungwan imo Na man se lu uma ye gaa?