Orpasenkwagh 12:11 - ICIGHAN BIBILO

¹¹ Asemberakaa a mbafankwagh nga er utakera yô; man er ukusa mba i mande i taver yô, kape akaaôron a i kohol a imôngo a lu la, ka hen orkuran môm a dugh ye.

Orpasenkwagh 12:11 Iomraidhean Croise

Genese 49:24

kpa ada na yô, lu her taveraa, akaseaveegh a na kpaa, lu naregh her, sha ave a Uageegh u Yakob; ka heregh, her ape Orkuran, Iwen i Iserael A lu la.

Esera 9:8

Man hegen yô, ka anshighe kpuaa tsô, TER, Aôndo wase, A zungu se mhôônom i de se asande a a wer ne, man i ne se se lu a imande i manden ken icighanjiir Na, je Aôndo wase A wanger se ashe man A na i yôhôl se iyol kpuaa ken ikangenev yasev.

Upasalmi 23:1

TER ka orkuran mo, kwagh môm banem ga;

Upasalmi 80:1

We, Orkuran u Iserael, ver ato, We u U hemen Yosev er ikumuile nahan; We u U tem sha ucerubi, mondo er iwanger nahan.

Anzaakaa 1:6

Sha u kaven injakwagh man kwagh u tesen ikav, ka akaaôron a mbafankwagh kua mkaanem vem ma cimin je la.

Anzaakaa 10:21

Ityumbuzwaagh i mbaperapera ngi koson ior kpishi, kpa abumeaior yô, nga kpe sha ci u mban u mkav.

Anzaakaa 22:17

Kegh ato, ungwa akaaôron a mbafankwagh, ver ishima sha mfe wam.

Orpasenkwagh 10:12

Akaaôron a sha zwa u orfankwagh ka a doo ken ato, kpa ityumbuzwaagh i ibumeor ia mena iyol i nan.

Orpasenkwagh 7:5

Guda u ungwan tsaha u orfankwagh a u or á ver ato sha icam i abumeaior.

Yesaia 22:23

Me mande un er kusa nahan hen ijiir i tiaver; una hingir ya u ter na ijiir i teman i icivirigh;

Yesaia 40:11

Una koso ilev Nav er orkuranilev nahan, Una kohol ônovmbaiyôngov sha uwegh Nagh, Una tôô ve Una wa sha ikum Na, una za a mbi amben ônov tegh tegh.

Yeremia 23:29

Kwaghôron wam ngu er usu nahan gaa? Kape TER A kaa ne, man er nondo u hemben awen nahan kpaa gaa?

Esekiel 34:23

Me ver orkuran môm sha a ve, nana koson ve, ka wanakiriki Wam Davidi je la, ka un una koson ve shi ka un kpaa una hingir orkuran ve ye.

Mateu 3:7

Tsô er a nenge a Mbafarishi kua Mbasadushi kpishi lu van hen batisema ne yô, a kaa a ve er: Ne ônov mba igbindev mban, ka an man nan we ne kwagh er né yevese iyugh i i lu van la ase?

YOHANE 10:14

Mo M ngu Orkuranilev u dedoo; M fa mbi Yav, mbi Yav kpaa fam,

YOHANE 3:10

Yesu gema kaa a Na er: We, u ngu ortesen u Iserael, man er nan u kav akaa ne ga?

Aerenakaa A Mbaapostoli 2:37

Tsô, zum u ve ungwa kwagh ne nahan yô, sôô ve ken ishima, nahan ve kaa a Peteru kua mbaapostoli mbagenev er: Ne anmgbianev, tsô sé er nana?

2 Mbakorinte 10:4

Gadia ikav mbi utyav yasev ka mbi iyolough ga, kpa ka mbi ageev sha ishigh ki Aôndo sha ci u yôhôl ayou a utya,

Mbaheberu 13:20

Aôndo u bem u A nder Ter wase Yesu Orkuranilev u tamen shin mbakpenev sha awambe a ikuryan i tsôron,

Mbaheberu 4:12

Gadia mkaanem ma Aôndo ma uma je, ma tem gbilin ga, ma hemba esen a hanma sanker u esen akur ahar cii, ka ma nyôr zan zan ma pav uma a jijingi man shi uijuan a mshiam kpaa, ka ma kar mbamhen kua mbaawashima kpaa.

1 Peteru 5:4

Zum u Orkuranilev u tamen Una ande yô, né ngohol tsar u engem u sha ityou u usen mayange ga.