Orpasenkwagh 12:1 - ICIGHAN BIBILO

¹ Umbur u A gbe u la sha ayange a iyev ou, er ayange a bo a lu a va ga, anyom kpaa a lu a kuma ga, a ú va kaa wer: Kera gbam ishima ga la;

Orpasenkwagh 12:1 Iomraidhean Croise

Genese 39:2

TER lu a Yosev, nahan ikôr doo un; lu hen ya u ter na, Origipiti.

Genese 39:23

Ishima i kera nyian orkurangaadi sha ma kwagh môm u a lu sha ikev na ga, gadia TER lu a na; kwagh u a eren kpaa, TER A veren kwagh la doo doo.

2 Samuel 19:35

Nyian anyom a am kuma anyom akunduanyiin je; me fatyô u fan mkposo u kwagh u a doo shin u a vihi kpa? Wanakiriki wou fa u benden kaven mnyohom ma kwagh u me ya shin u me ma? M shi m fatyô u ungwan imo i nomso kua kasev mba wan atsam kpaa? Ka nyi man wanakiriki wou una gema á seer a seer terem tor icanaa?

2 Samuel 19:36

Sar wanakiriki wou ka peren Yordan zan a tor cihôôn tsô; man er nan tor una er a mo doo doo yum nahana?

1 Utor 14:13

Iserael cii vea zungwe ku na, vea ii un; gadia ior i Yerobiam cii ka un tseegh a ii un shin uwar ye; gadia ken a na yô, i wa zuan a kwagh u dedoo sha ishigh ki TER, Aôndo u Iserael, ken ya u Yerobiam.

1 Utor 18:12

Tsô aluer me karen hen we kera yô, Jijingi u TER Una tôô u, Una yem a we henpe m fe ga yô, nahan zum u me za kaa Ahaba man una fan ityô u zuan a we ga yô, una wuam je. Kpa mo wanakiriki wou m cia TER, er m lu iyev je.

Nehemia 4:14

M nenge, nahan m mough, m kaa a mbatamen man mbatarev man ior mbagenev, mer: De cie nen ve ga; umbur nen TER u A hembe A cier iyol la, nôngo nen ityav sha ci u anmgbianev enev man ônov enev mba nomso man mba kasev man kasev enev kua uya enev.

Yobu 30:2

Agee a ave ve yan ma a seer mo nyi? Agee a iyolough kpaa kar hen ve kera.

Upasalmi 119:55

M umbur iti You tugh, TERE, shi m kor atindiakaa a Ou kpaa.

Upasalmi 34:11

Va nen, ne mbayev, va ver nen ato her a mo; me tese ne u cian TER.

Upasalmi 63:6

Zum u ka mea umbur We sha gambe wam yô, m hen kwagh Wou sha ashighe a mbamkor mba utugh la cii,

Upasalmi 90:10

Ayange a anyom a ase kuma anyom akunduatargber, man aluer ayol ase aa taver kpishi yô, a kuma akunduanyiin je; nahan kpaa ihagh i a yô, ka zayol man ishima i vihin, gadia nga a kar fefa, se kpaa se kar kera wase.

Anzaakaa 22:6

Tese wanye gbenda u nana za yô, nahan shighe u nana bee iyol je kpaa, nana pav a u ga.

Anzaakaa 8:17

Mba m doo ve ishima la, mo kpaa ve doom ishima; mba ve keren mo sha gbashima yô, vea zua a mo.

Orpasenkwagh 11:10

Nahan yô, dugh ijungwen ken ishima you kera, man kar a kwaghvihin sha iyol you kera; gadia iyev kua akase a ir ka gbilinkwagh tsô.

Orpasenkwagh 11:2

Kar kwar sha ior utaankaruhar, een, zan zan anigheni je kpaa, gadia u fa kwaghbo u una va er shin tar ga.

Orpasenkwagh 11:8

Een, shin or nana tsa anyom imôngo kpaa, nana̱ ember sha a cii; kpa nana̱ umbur ayange a imegh, gadia aa ngee. Akaa a a ve cii, ka a gbilinigh tsô.

Yesaia 26:8

Sha gbenda u ajiraôron a Ou kpaa, TERE, se lu keghen We. Iti You man m-umbur u umbur We la, sar uma wase tsung.

Ukwelegh 3:27

Doo u or nana tôô igbur er nan lu iyev la je.

Daniel 1:17

Mbayevikaior mba unyiin mban, Aôndo na ve kwaghfan man mfe sha hanma takerada man hanma gbenda u mfe cii; man Daniel lu a mkav u mbampase mba sha mnenge man u mnyam ma cien kpaa.

Hosea 7:9

Atôatyev vihi agee na kera, kpa a fa ga; een, ivu ta un agar sha ityou, kpa a fa ga.

Luka 1:15

Gadia una lu zegeor sha ishigh ki Ter; una tswer wain kua msôrom kpaa, una iv a Icighan Jijingi er una lu ngô na ken uya je.

Luka 18:16

Kpa Yesu yila ve er ve̱ va her a Na, gba kaan er: De nen mbayev mba kiriki ve̱ va her a Mo, de kera yangen nen ve ga, gadia ka anza a mban ne je tartor u Aôndo u lu u ve ye.

Mbaefese 6:4

Ne uter kpaa, de eren nen a ônov enev er vea yuwe ga kpa yese nen ve sha mkôôm man kwaghwan u Ter.

Duteronomi 8:18

Kpa umbur TER, Aôndo wou, ka Un A ne u tahav mbu zuan a inyaregh ye, sha er Una er sha ikuryan Na i A bum a uter ou, er i lu nyian nahan.

WASHIKA U SHA UHAR U PAULU APOSTOLI TINDI HEN TIMOTEU - 2TI 3:15

Man shi u fa er hii iyev je u kav icighanruamabera u a fatyô u tesen we u zan ken myom sha jighjigh u nan u ken Kristu Yesu la.

1 Samuel 1:28

nahan mo kpaa m gema un m na TER; a̱ lu u TER sha ayange a á lu uma cii, Tsô a gure a civir TER her.

1 Samuel 16:7

Kpa TER kaa a Samuel er: De kenger mluyol na ga, shin ityaven na kpaa ga; gadia a kumam ga, gadia mnenge u TER ngu er mnenge u or nahan ga; gadia or nengen mluashe u ken won, kpa TER yô, nengen ken ishima.

1 Samuel 2:18

Kpa Samuel yô, lu eren tom sha ishigh ki TER, lu wanye je, a har efodi u sha ikondo i pupuu.

1 Samuel 2:26

Samuel wanakiriki la vese, TER kua ior kpaa rumun un.