Orpasenkwagh 1:2 - ICIGHAN BIBILO

² Gbilinkwagh u agbilinakaa, kape Orpasenkwagh a kaa ne, gbilinkwagh u akaagbilinigh, ka gbilin cii.

Orpasenkwagh 1:2 Iomraidhean Croise

Yobu 11:12

Kape gbilinor kpaa nana zua a mfe; man á mar wanjaki u toho hingir or je.

Upasalmi 144:4

Or ngu er ka humbe nahan, ayange a nan nga er mure u a karen kera fefa nahan.

Upasalmi 89:47

Umbur er ayange am a ndahar yô, man er U gbe ior ve lu gbilinkwagh tsô yô!

Orpasenkwagh 11:10

Nahan yô, dugh ijungwen ken ishima you kera, man kar a kwaghvihin sha iyol you kera; gadia iyev kua akase a ir ka gbilinkwagh tsô.

Orpasenkwagh 11:8

Een, shin or nana tsa anyom imôngo kpaa, nana̱ ember sha a cii; kpa nana̱ umbur ayange a imegh, gadia aa ngee. Akaa a a ve cii, ka a gbilinigh tsô.

Orpasenkwagh 12:8

Gbilinkwagh u agbilinakaa, kape Orpasenkwagh kaa la, ka gbilinkwagh cii.

Orpasenkwagh 2:11

Tsô m gema m nenge ityom yam cii, i ave am a er yô, man shi tom u m ye ican sha mi la kpaa, nenge ase, nahan kpaa lu gbilinkwagh cii, ka di u zendan ahumbe ityô tsô, ma mtsera lu sha mi sha won ga.

Orpasenkwagh 2:15

Tsô m ôr ken ishima yam mer, kwagh u á er ibumeor la, mo kpaa una erem di nahan vough, nahan shi m hemba kwaghfan sha ci u nyi? Tsô shi m kaa ken ishima yam mer, kwagh ne kpaa ka gbilinkwagh je.

Orpasenkwagh 2:17

Ka nahan man uma a dughum ishima ye, gadia tom u i eren shin tar u lum kwagh u nyoon iyol, gadia ka gbilinkwagh ci ca, ka u zendan di ahumbe ityô tsô.

Orpasenkwagh 2:19

Man ka an nan fe shin nana lu orfankwagh shin nana lu ibumeoro? Nahan kpaa tom wam cii u lu m ya ican sha mi la, u m nôngo sha mi sha kwaghfan wam shin tar la, ua hingir sha ikev i nan. Kwagh ne kpaa ka gbilinkwagh.

Orpasenkwagh 2:21

Gadia orgen ngu, u tom u nan u lu sha kwaghfan man sha mfe man sha mhembefan, nahan kpaa nana undu orgen a mi, u nan er tom sha mi ga yô, á hingir dyako u nan. Kwagh ne kpaa ka gbilinkwagh je man mvihi u vesen kpaa.

Orpasenkwagh 2:23

Gadia ayange a nan cii ka ican tseegh, tom u nan kpaa ka ishima i vihin tsô; een, tugh je kpaa ishima i nan i mem ga. Kwagh ne kpaa ka gbilinkwagh.

Orpasenkwagh 2:26

Gadia ka or u i doo Un a nan la, ka nan Aôndo A ne nan kwaghfan man mfe kua iember ye; kpa orisholibo yô, ka A na nan tom er nana̱ kohol nana̱ ta tihi, nahan á gema á na or u i doo Aôndo a nan yô. Kwagh ne kpaa ka gbilinkwagh, ka u zendan di ahumbe ityô tsô.

Orpasenkwagh 2:8

M kohol azurfa man zenaria, man akaainjaa a utor man a sha ityar kposo kposo; m lu a mbaatsamev mba nomso kua mba kasev, man akaa a saren ônov mba iorov, man hanma injakwagh i doon ior cii;

Orpasenkwagh 3:19

Gadia kwagh u a eren ônov mba iorov yô, ka un je shi ka a er ishôso ye, ka kwagh shon la môm ngu a tser ve cii ye; er ngun a kpe nahan, kape ngula kpaa a kpe la; een, ve cii iôôn ve ngi môm; or hemba ishôso sha ma kwagh je ga; gadia ka gbilinkwagh cii.

Orpasenkwagh 4:16

ior ngee gande ikaa inya mba a lu orhemen ve yô; nahan kpaa kov u ua va ken hemen yô, ua ember un ga. Mimi je kwagh ne kpaa ka gbilinkwagh, man ka u zendan di ahumbe ityô tsô.

Orpasenkwagh 4:4

Tsô m gema m nenge tom u ican cii, man hanma tom u i er u u hembe doon yô, i lu sha iwuhe i lu eren u ye. Kwagh ne kpaa ka gbilinkwagh man ka u zendan di ahumbe ityô tsô.

Orpasenkwagh 4:8

Orgen ka nan lu tswen, nan lu a ma orgen ga, een, shin wan kpaa ga, shin anmgbian tsô kpaa ga, nahan kpaa tom u nan u ican, u kuren ga, ashe a nan kpaa a kenger inyaregh ki kuman a ga. Ka sha ci u an je m ye icana man m gbe nyumen uma wam akaa a doon nahan? Kwagh ne kpaa ka gbilinkwagh tsô, een, ka ican tsung je.

Orpasenkwagh 5:10

Or u azurfa a doo nan yô, azurfa una kuma nan ga; u nan keren inyaregh ki ngeen kpaa, mtsera una kuma nan ga; kwagh ne kpaa ka gbilinkwagh tsô.

Orpasenkwagh 6:11

Er akaaôron a seer ngeen, gbilinkwagh di kpaa seer, nahan ka or a inja sha nyi?

Mbaromanu 8:20

Gadia i gbihi akaa a i gbe a cii ken dang, lu sha ishima i a nahan ga, kpa lu sha ishima i Un u A gbihi a ker la. Kpa lu sha ishimaverenkeghen,