Orpasenkwagh 1:13 - ICIGHAN BIBILO

¹³ M ver ishima sha u me ker man me time sha kwaghfan sha akaa cii a a eren sha won yô; ka kwagh u ican tsung je, u Aôndo A ne ônov mba iorov sha u vea er tom u nyoon iyol sha mi yô.

Orpasenkwagh 1:13 Iomraidhean Croise

Genese 3:19

ka sha iusa i sha ishigh you man ú ya kwaghyan ye, zan zan ú hide hen inya, gadia ka i, i tee, i er u min ye, gadia u ngu vuulevu, nahan ú shi ú hide ú hingir vuulevu.

Yobu 28:3

Or ka nan er ime i bee kera, zan zan ar hen ikighir i hemban zan cii, nan sangen awen a angôghime kua a mure u kuugh kpaa ye.

Upasalmi 111:2

Ityom i TER kehe je, ka kwagh u timen sha mi hen mba i doo ve ishima cii yô.

Anzaakaa 18:1

Or u nan dugh iyol i nan kposo yô, ka isharen i nan iyol i nan, nan keren ye, nahan nan mough num a kwaghfan u mimi cii.

Anzaakaa 18:15

Ishima i orkavenkwagh ka i zua a mfe, ato a orfankwagh kpaa nga keren mfe.

Anzaakaa 23:26

Wan wam, nam ishima you, i̱ saan ashe ou iyol sha igbenda yam.

Anzaakaa 25:2

Icivir i Aôndo yô, ka u cirin kwagh, kpa icivir i utor yô, ka u timen kwagh.

Anzaakaa 4:7

Mhii u kwaghfan yô: zua a kwaghfan, man sha akaa a u vande zuan a mi cii yô, shi zua a mkav kpaa.

Orpasenkwagh 1:17

M ver ishima yam sha u fan kwaghfan kua mfe, man sha u fan ihundugh kua ibumegh; tsô m kav, ngun kpaa ka u zendan di ahumbe ityô tsô.

Orpasenkwagh 11:5

Er u fe gbenda u ahumbe ga, man mlu u akuhe a ken sagh u nan we iyav la kpaa ga yô, kape tom u Aôndo u A er akaa cii kpaa u fe u ga la.

Orpasenkwagh 12:12

Ken masetyô yô, wan wam, er teghelee; m-er u i er uruamabera kpishi la yô, ikighir ngi ga; takerada u henen kpishi ne iyol i kpen.

Orpasenkwagh 2:23

Gadia ayange a nan cii ka ican tseegh, tom u nan kpaa ka ishima i vihin tsô; een, tugh je kpaa ishima i nan i mem ga. Kwagh ne kpaa ka gbilinkwagh.

Orpasenkwagh 2:26

Gadia ka or u i doo Un a nan la, ka nan Aôndo A ne nan kwaghfan man mfe kua iember ye; kpa orisholibo yô, ka A na nan tom er nana̱ kohol nana̱ ta tihi, nahan á gema á na or u i doo Aôndo a nan yô. Kwagh ne kpaa ka gbilinkwagh, ka u zendan di ahumbe ityô tsô.

Orpasenkwagh 3:10

M nenge tom u Aôndo A ne ônov mba iorov sha u vea nyoon iyol sha mi yô.

Orpasenkwagh 3:11

A er hanma kwagh er a̱ doo ashe sha shighe na, man A shi A ver mtsôr ken asema a ve; nahan kpaa, or fatyô u timen fan tom u Aôndo A er sha hiihii je, zan zan mkur la kpaa ga.

Orpasenkwagh 4:4

Tsô m gema m nenge tom u ican cii, man hanma tom u i er u u hembe doon yô, i lu sha iwuhe i lu eren u ye. Kwagh ne kpaa ka gbilinkwagh man ka u zendan di ahumbe ityô tsô.

Orpasenkwagh 4:8

Orgen ka nan lu tswen, nan lu a ma orgen ga, een, shin wan kpaa ga, shin anmgbian tsô kpaa ga, nahan kpaa tom u nan u ican, u kuren ga, ashe a nan kpaa a kenger inyaregh ki kuman a ga. Ka sha ci u an je m ye icana man m gbe nyumen uma wam akaa a doon nahan? Kwagh ne kpaa ka gbilinkwagh tsô, een, ka ican tsung je.

Orpasenkwagh 7:25

M gema m ver ishima yam mer, me fa, me time, me ker kwaghfan kua atôakaa, sha u me fa er ifer i lu ibumekwagh man ibumegh kpaa ki gem ki lu ihundugh yô.

Orpasenkwagh 8:9

Akaa ne cii m nenge, shi m ver ishima m nenge tom u i eren shin tar cii, shighe u or ka nana lu a tahav sha orgen yô, nan eren nan ican.

1 Timoteu 4:15

Nôngo sha akaa ne, penda ishima sha mi sha u ior cii vea nenge mzehemen wou yô.