Numeri 9:13 - ICIGHAN BIBILO

¹³ Kpa or u nan lu wang nan lu ken zende kpaa ga, man nan we iko u yan Paseka ga yô, i̱ dugh nan ken nongo u nan kera, gadia nan na TER nagh sha shighe u i ver la ga, or la nana tôô isholibo i nan.

Numeri 9:13 Iomraidhean Croise

Genese 17:14

Oripusu u i tsenge nan ipusu i nan ga yô, i̱ dugh or la ken nongo u nan kera; nan vihi ikuryan Yam.

Ekesodu 12:15

Ayange ataankarahar cii, né yaan bredi u i we kwa sha mi ga yô; hii sha iyange i hiihii la je, né dugh kwa ken uya enev kera; gadia hanma or u nana ya bredi u a lu a kwa, hii sha iyange i hiihii zan zan sha iyange i ataankarahar la yô, i̱ dugh or la ken Iserael kera.

Ekesodu 12:19

Ayange a ataankarahar la cii, i̱ de kera zough a kwa ken uya enev ga; gadia hanmô u nana ya kwagh u i we kwa sha mi yô, or la á dugh nan ken mkohol u ior i Iserael kera, shin nana lu shiror, shin a lu or u tar la kpaa.

Ekesodu 12:47

Mkohol u ior i Iserael cii a̱ eren nahan.

Ekesodu 30:33

Hanma or u nana nungwa magenem er ma nahan, shin hanma or u nan haa or u ken inya ma iyol yô, i̱ dugh nan ken nongo u nan kera.

Ekesodu 30:38

Hanma or u nana er ugen er ngun nahan, nana ungwan ihuma na yô, i̱ dugh nan ken nongo u nan kera.

Esekiel 23:49

Vea or ne iyev sha ijimba i ne er la, man nea tôô ibo i asorabo a akombo a en man nea fa er Mo M lu TER ye.

Levitiku 17:10

Hanma or u hen ya u Iserael shin u hen ushirmbaiorov mba ve nyer a nyôr ve yô, u nan ye ma awambe yô, Me kera saan ishigh a u nan ye awambe la ga, Me dugh nan ken nongo u nan kera.

Levitiku 17:4

nana kera va a mi hen hunda u tenti u kohol ker la, er nana va na TER nagh a mi sha ishigh ki tabernakel u TER ga yô, i̱ na or la ibo i awambe, nan haa awambe inya je; i̱ dugh or la ken nongo u nan kera;

Levitiku 20:20

Man aluer or á yav a kwase u anngô u ter u nan yô, nan bugh idyelegh u anngô u ter u nan je; vea tôô isholibo ve, vea kpe atseen.

Levitiku 22:9

Yô, ve̱ waan kwagh u M we ve ne iko, sha er ve̱ de kper ibo, ve̱ hee iyol, ve̱ kpeen zum u ve hôngor a mi la ga; ka Mo TER u M tsegh ve ne.

Levitiku 24:15

Ôr kwagh a Mbaiserael, kaa a ve wer, hanmô u nana tuhwa Aôndo u nan yô, nana lu a ibo iyol.

Numeri 19:13

Anti or u nana bende a ikom i or u nan kpe yô, man nan wanger iyol i nan ga yô, nan ngu hôngor tabernakel u TER; or la, i̱ dugh nan ken Iserael kera, sha ci u i lu a mishi nan mngerem ma wanger kwagh a mi la, iyol ga yô, nan kera ngu wang ga; mlu u wang ga u nan la ngu a nan her.

Numeri 19:20

Kpa or u nan kera lu wang ga, man nana wanger iyol i nan ga yô, or la i̱ dugh nan ken ior kera, sha ci u nan hôngor icighanjiir u TER yô, i mishi nan mngerem ma wanger kwagh a mi la iyol ga; nan ngu wang ga her.

Numeri 5:31

Or la nana lu a ibo ga; kpa kwase la yô, una lu a ibo iyol.

Numeri 9:7

ior mbala kaa a na er: Se yô, se kera mba wang ga, sha ci u se bende a ikomor yô, man ka nyi i yange se u nan TER nagh a Mbaiserael imôngo sha shighe u i ver laa?

Mbaheberu 12:25

Ver nen ishima, de vende nen Un u A lu ôron kwagh la ga. Gadia aluer mbala mba ve vende Un zum u A wa ve kwagh shin tar la ve war ga yô, man hire se mba se vende Un hegen er A lu ôron kwagh a vese Sha yee?

Mbaheberu 2:3

nahan se sé war nana aluer sé kera wa myom u vesen ne iko ga yôô? Ka Ter A hii u pasen un ye, mba ve ungwa un la kpaa, ve va taver un hen vese.

Mbaheberu 6:6

man vea mase gban kera yô, á fatyô u shi hiden a ve ken mgemshima ga, gadia sha kwagh ve ayol a ve yô, shi mba kimbir u manden Wan u Aôndo sha terankon, heen Un ken igbar.

Mbaheberu 9:28

kape Kristu kpaa i na nagh sha a Na kwa môm sha u tôôn asorabo a ior kpishi kera, u sha kwa har yô Una ande, á lu sha kwagh u isholibo ga, kpa á lu sha u yiman mba ve lu keghen Un yô.