Numeri 8:7 - ICIGHAN BIBILO

⁷ Kwagh u ú er ve sha u wanger ve yô, ka un ne: Mishi ve mngerem ma ôôn isholibo; shi ve̱ zende atsem iyol cii, ve̱ ôô akondo a ve, ve̱ wanger ayol a ve.

Numeri 8:7 Iomraidhean Croise

Genese 35:2

Yakob kaa a mba hen ya na, man mba ve lu a na cii er: Haa nen mbaaôndo mbagenev mba ve lu her a ven la, kera; wanger nen ayol a en, haa nen akondo agen,

Upasalmi 51:2

Ôôm iferkwagh yam kera ca ca, wanger mo sha isholibo yam.

Upasalmi 51:7

Wanger mo sha hisop, tsô me hingir wang; ôôm, tsô me kungu, á hemba senou je.

Ekesodu 19:10

Tsô TER kaa a Mose er: Za hen ior, za tsegha ve nyian kua kper, ve̱ ôô akondo a ve kpaa,

Yesaia 52:15

kape Una cier akuraior iyol kpishi la; utor vea kusu ijô ve sha ci Na, gadia kwagh u i lu a kaa ve ga je, vea nenge, kwagh u ve lu a ungwa ga kpaa, vea kav un.

Yeremia 4:14

Ôô iferkwagh ken ishima you kera, we Yerusalem, sha u u̱ war. Ka hanma shighe je man mhen wou u sha ifer u a tem a we ne, una kuree?

Esekiel 36:25

Me mishi ne mngerem ma wang, nahan né wanger; Me wanger ne sha ihôngor yen kera cii, man sha akombo a en cii kpaa.

Levitiku 15:27

Man shi hanma or u nana bende a akaa la yô, nana kera lu wang ga, nana̱ ôô akondo a nan man nana̱ ôô iyol i nan sha mnger kpaa, nana kera lu wang ga, zan zan iyange ia kar been.

Levitiku 15:6

Or u nana tema sha hanma kwagh u or u kwagh a dugh nan ken iyol la nan tem sha mi yô, nana̱ ôô akondo a nan man nana̱ ôô iyol i nan sha mnger kpaa, nana kera lu wang ga zan zan iyange ia kar been.

Levitiku 16:28

Or u nana nande la kpaa, nana̱ ôô akondo a nan, shi nana̱ ôô iyol i nan sha mnger; ken masetyô yô, nana nyôr ken afo.

Levitiku 8:6

Nahan Mose va a Aron man ônov nav, a ôô ve iyol sha mnger.

Numeri 19:13

Anti or u nana bende a ikom i or u nan kpe yô, man nan wanger iyol i nan ga yô, nan ngu hôngor tabernakel u TER; or la, i̱ dugh nan ken Iserael kera, sha ci u i lu a mishi nan mngerem ma wanger kwagh a mi la, iyol ga yô, nan kera ngu wang ga; mlu u wang ga u nan la ngu a nan her.

Numeri 31:20

Hanma ikondo man kwagh u i er sha ikov cii man akaa a i er sha aive a ivo cii kua akaa a i er sha ikon cii, wanger nen a.

Numeri 8:21

Mbalevi wanger asorabo a ve kera, shi ve ôô akondo a ve kpaa; Aron gema ve, cia nagh ku cian a mi, sha ishigh ki TER; Aron na iwom sha ci ve, sha u wanger ve.

Mbaheberu 9:10

Akaa ne yô, lu di sha kwagh u akaayan tsô man akaaman man iyol i ôôn sha igbenda kposo kposo, ka atindi a sha iyol tsô a i we a zan zan shighe u sôron akaa una kar kuman.

Mbaheberu 9:13

Gadia aluer awambe a ivo man anomabua man mtwem ma tulebua ma i mishi ma sha mba ve lu wang ga la, tsegha ve sha u ayol a̱ hingir wang yô,

Yakobu 4:8

Kporom nen hen Aôndo, Un kpaa, Una kporom her a ven. Wanger nen ave a en, ne mbaasorabo, man shi kile nen asema a en, ne mba asema a lu ne ahar ne.

1 Peteru 3:21

Ma tese ikav sha batisema u ne kpaa ne lu waren sha mi hegen yô; batisema ka u wanger hôngor u sha iyol kera ga, kpa ka msen u sônon Aôndo imo i wanger wanger i ken ishima sha mnder u Yesu Kristu shin ku.

Mpase U Yohane 7:14

M gema m kaa a na mer: Terem, we u fa. Tsô a kaa a mo er: Mban ka mba ve dugh ken zegecan la yô; ve ôô uriga vev ken awambe a Waniyôngo, ve kungu ve.