Numeri 8:21 - ICIGHAN BIBILO

²¹ Mbalevi wanger asorabo a ve kera, shi ve ôô akondo a ve kpaa; Aron gema ve, cia nagh ku cian a mi, sha ishigh ki TER; Aron na iwom sha ci ve, sha u wanger ve.

Numeri 8:21 Iomraidhean Croise

Ekesodu 19:10

Tsô TER kaa a Mose er: Za hen ior, za tsegha ve nyian kua kper, ve̱ ôô akondo a ve kpaa,

Levitiku 14:11

Pristi u a lu wanger nan la, a̱ gema or u i lu wanger nan la, a kaa la cii, a̱ ver sha ishigh ki TER hen hunda u tenti u kohol ker la.

Numeri 19:12

Nana̱ wanger iyol i nan sha mtwem mala sha iyange i atar la, man sha iyange i ataankarahar la kpaa, nahan nana hingir wang; kpa aluer nana wanger iyol i nan sha iyange i atar man sha iyange i ataankarahar la kpaa ga yô, nana kera lu wang ga.

Numeri 19:19

or u wang la, nana̱ mishi u a lu wang ga la ma iyol, sha iyange i atar kua sha iyange i ataankarahar la kpaa; sha iyange i ataankarahar la, nana̱ wanger un; nahan una ôô akondo a na, shi una ôô iyol sha mnger kpaa, iyange ia been yô, una hingir wang.

Numeri 3:12

Ka Mo je, M tsough Mbalevi ken Mbaiserael sha ityough ki mbaiundav mba ve hii duen ken uya, ken Mbaiserael la, Mer, Mbalevi ve̱ lu mba Av ye;

Numeri 8:15

Ken masetyô la, Mbalevi ve nyôr sha u eren tom u tenti u kohol ker la; wanger ve, gema cia nagh ku cian a mi.

Numeri 8:20

Kape Mose man Aron man ior i Mbaiserael cii ve er a Mbalevi la, er TER kaa Mose er a̱ er a Mbalevi la cii yô, kape Mbaiserael er a ve je la.

Numeri 8:22

Ken masetyô la, Mbalevi nyôr ken tenti u kohol ker la, sha u eren tom ve sha ishigh ki Aron man ônov nav; er TER kaa Mose er a̱ er a Mbalevi la, kape i er a ve je la.

Numeri 8:7

Kwagh u ú er ve sha u wanger ve yô, ka un ne: Mishi ve mngerem ma ôôn isholibo; shi ve̱ zende atsem iyol cii, ve̱ ôô akondo a ve, ve̱ wanger ayol a ve.