Numeri 8:12 - ICIGHAN BIBILO

¹² Mbalevi ve̱ penda ave ve sha ityouv mbi ibua; gema u môm na TER nagh ku isholibo a mi, shi gema ugen la na nagh ku nanden a mi, ku̱ hingir iwom sha ci u Mbalevi.

Numeri 8:12 Iomraidhean Croise

Ekesodu 29:10

Nombua la kpaa, va a mi sha ishigh ki tenti u kohol ker la; Aron a ônov nav ve̱ penda ave ve sha ityough ki nombua la.

Levitiku 1:4

Nana̱ penda uwegh sha ityough ki nagh ku nanden kura; nahan á rumun ku sha ci u nan er ku̱ hingir iwom sha ci u nan yô.

Levitiku 14:22

kua mbaatii uhar, shin utulembamkunguv uhar, er nan fetyô yô; u môm a̱ lu nagh ku isholibo, ugen a̱ lu nagh ku nanden.

Levitiku 16:11

Nahan Aron a̱ va a nombua u nagh ku isholibo ku ku lu sha ci na la, a̱ na iwom sha ci na iyol na kua ya na, a̱ sôngo nombua u nagh ku isholibo ku ku lu sha ci na iyol na la;

Levitiku 16:21

Yô, Aron a̱ penda ave na ahar cii sha ityough ki kpev u uma la, a̱ pase afer a Mbaiserael cii sha mi, akaabo a ve, asorabo a ve la cii; a̱ haa sha kpev la; tsô a̱ na un sha ikev i or u i vande veren nan yô, nana̱ yem a mi ken desereti;

Levitiku 16:6

Man Aron a̱ va a nombua u nagh ku isholibo ku ku lu sha ci na la, a̱ na iwom sha ci na iyol na kua ya na kpaa.

Levitiku 4:15

nahan mbatamen mba mkohol u ior ve̱ penda ave sha ityough ki nombua la sha ishigh ki TER, i̱ sôngo gumbua la sha ishigh ki TER.

Levitiku 4:20

a̱ er a nombua la er a er a nombua u sha nagh ku isholibo la nahan, kape á er a ngun kpaa la; pristi a̱ na iwom sha ci ve, tsô á de ve asorabo a ve.

Levitiku 4:35

ahôm cii yô, a̱ kura a sha, er ka i kura ahôm a gumiyôngo u nagh ku sôngon ku bem la nahan; pristi a̱ nande a sha atse, sha iniav mbi usugh mbi TER; pristi a̱ na iwom sha ci u nan, sha ci u isholibo i nan er la, nahan á de nan isholibo i nan.

Levitiku 4:4

a̱ va a nombua la hen hunda u tenti u kohol ker la, sha ishigh ki TER, a̱ penda uwegh sha ityough ki nombua la, a̱ sôngo un sha ishigh ki TER.

Levitiku 5:7

Kpa aluer inyaregh ki nan kia kuma iyôngo shin ivo ga yô, nana̱ va na TER nagh sha ci u isholibo i nan er la sha mbaatii uhar shin utulembamkunguv uhar, u môm sha ci u nagh ku isholibo, ugen sha ci u nagh ku nanden.

Levitiku 8:14

Tsô a va a nombua u nagh ku isholibo la; Aron kua ônov nav ve va penda ave sha ityough ki nombua u nagh ku isholibo la.

Levitiku 8:15

Nahan a sôngo un; Mose er awambe sha ihôwe feregh sha akoratseegh ningir tser, a wanger atse la, a gema awambe, a haa hen ityôatsegh, a tsegha a, a na iwom sha ci u a.

Levitiku 8:18

Shi a va a nomiyôngo u nagh ku nanden la, Aron kua ônov nav ve penda ave sha ityough ki nomiyôngo la,

Levitiku 8:34

Er i er nyian nahan, kape TER A kaa er á eren á naan iwom sha ci wen ne.

Levitiku 9:7

Mose shi kaa a Aron er: Kporom hen atse a nan nagh sha mi, na nagh ough ku isholibo man nagh ough ku nanden, na iwom sha ci wou iyol you kua sha ci u ior kpaa, na nagh ku ior, na iwom sha ci ve, er TER A kaa ne nahan

Numeri 6:14

nana̱ na TER nagh ku nan; gumiyôngo môm u a kom inyom i môm u a lu a ihogholough iyol ga yô, sha ci u nagh ku nanden, man tuleiyôngo môm u a kom inyom i môm u a lu a ihogholough iyol ga yô, sha ci u nagh ku isholibo, man nomiyôngo môm u a lu a ihogholough iyol ga yô, sha ci u nagh ku bem;

Numeri 6:16

Pristi a̱ va a mi sha ishigh ki TER, a̱ na nagh ku nan ku isholibo man nagh ku nanden;

Numeri 8:13

Ver Mbalevi ve̱ tile sha ishigh ki Aron kua ônov nav, gema ve, cia nagh ku cian a mi sha ci u TER.

Numeri 8:8

Ve̱ va a gumbua a nagh ku sha samuyia ku i magh sha mi la, ka mwem ma kengese ma i nongo mkurem sha min yô; shi kôr nombua ugen kpaa sha ci u nagh ku isholibo.

Mbaheberu 9:22

Sha tindi yô, shi kpuaa tsô akaa cii ma i wanger a sha awambe, man aluer á haa awambe ga yô mde u akaabo kpaa una lu ga.