Numeri 7:89 - ICIGHAN BIBILO

⁸⁹ Zum u Mose nyôr ken tenti u kohol ker la, sha u ôron kwagh a Na yô, a ungwa Imo lu ôron kwagh a na sha ijiir i nan iwom her i i lu sha areki u shiada hen atô u ucerubi uhar la; tsô A ôr kwagh a na.

Numeri 7:89 Iomraidhean Croise

1 Utor 6:23

Ken kpar u kimi la, a er ucerubi uhar sha kon u olev, hanmô ve ityaven na lu aseva pue.

Upasalmi 80:1

We, Orkuran u Iserael, ver ato, We u U hemen Yosev er ikumuile nahan; We u U tem sha ucerubi, mondo er iwanger nahan.

Upasalmi 99:1

TER tema tor, ior ve̱ gbidye akarkase iyol! A tema tor, ngu sha ucerubi; tar u̱ tenger.

Ekesodu 40:34

Tsô ibeenegh va cir tenti u kohol ker la; iengem i TER kpaa iv ken tabernakel.

Ekesodu 40:35

Mose fatyô u nyôron ken tenti u kohol ker la ga, sha ci u ibeenegh lu sha mi, iengem i TER kpaa iv ken tabernakel yô.

Levitiku 1:1

Tsô TER yila Mose, ôr kwagh a na ken tenti u kohol ker la, A kaa er:

Numeri 1:1

TER ôr kwagh a Mose ken desereti u Senai ken tenti u kohol ker la, sha iyange i hiihii i uwer u sha uhar, sha inyom i sha uhar er ve due ken tar u Igipiti kera la, A kaa er:

Numeri 11:17

Me sen, Me va ôr kwagh a we her; Me pande jijingi u a lu ken a we, Me ver sha a ve, ve̱ tôô ior mba ve lu zegeuikya ne, a we imôngo, sha er ú kera tôô, we tswen ga yô.

Numeri 12:8

M er kwagh a na sha zwa wanger wanger je, ka lun kwaghôron u cimin ga, nengen mlu u TER er A lu yô; man ka nyi ne cie u ôron kwaghvihin sha wanakiriki Wam, Mose ga?

Numeri 8:1

TER ôr kwagh a Mose, kaa er:

Mbaheberu 4:16

Nahan yô, se kporom nen hen ikônough ki torough ki mhôôn vangertiôr sha u sé ngohol mhôônom ma zungwen man shi i̱ rumun se sha mhôôn, i̱ wase se sha shighe vough.

1 Peteru 1:12

I pase ve er, ve lu eren tom sha akaa ne, nahan kpaa lu sha ci ve ayol a ve ga, lu sha ci wen; ka akaa a i lu pasen ne hegen sha ikev i mbala mba ve lu pasen ne Loho u Dedoo sha Icighan Jijingi u i tindi Un A due Sha la. Akaa ne yô, mbatyomov mba Shaav je kpaa, ka saren ve pe gbirin ashe ker.

1 Samuel 4:4

Tsô ior tindi loho hen Shilo, i za va a areki u ikuryan u TER u akum a Sha u A tem hen atô u ucerubi la; ônov mba Eli mba uhar mbala, Hofeni man Pinehashi, ve lu a areki u ikuryan i Aôndo.