Numeri 7:3 - ICIGHAN BIBILO

³ ve va a nagh vegh sha ishigh ki TER; akeke a kpelan ikav ataratar a lun a haav, man ibua pue kar ihiar; mbahemenev uhar na ikyekye i môm, hanma orhemen na bua môm, ve va na hen hunda u tabernakel.

Numeri 7:3 Iomraidhean Croise

Genese 45:19

I na u zwa ve, kaa a ve wer: Tôô nen akeke ken tar u Igipiti sha ci u ônov enev mba kiriki man kasev enev kpaa, za kua nen a ter wen, va nen.

Genese 45:21

Ka ape ônov mba Iserael er la; Yosev na ve akeke, sha imo i Farao; a na ve kwaghyan u gbenda kpaa.

Esera 2:68

Mbavesen mbagenev mba sha uya mba uter, zum u ve va hen iyou i TER i i lu ken Yerusalem la yô, ve na iwua a ishima i dedoo sha ci u iyou i Aôndo sha er á maa i hen ijiir i i la;

Ekesodu 25:2

Kaa Mbaiserael ve̱ vam a nagh; ngohol nagh Agh hen hanma or u i doo nan u nan yô.

Yesaia 66:20

Vea va a anmgbianev enev cii ken akuraior cii, sha ci u nagh ku nan TER, sha anyinya man sha akeke a kpelan, man sha akaa a tôôn ior a mi, man sha mbaalfadari man sha urakumi, á va a ve hen icighanwo Wam Yerusalem, kape TER A kaa la, er Mbaiserael ka ve va a nagh shin tasa u wang, ken iyou i TER nahan.

Amoshi 2:13

Yô, nenge, Me kighir we hen ijiir you er ikyekye i i iv a aile a uyia ka i kighir sha kwagh nahan.

Numeri 7:4

Tsô TER ôr kwagh a Mose, kaa er: