Numeri 6:27 - ICIGHAN BIBILO

²⁷ Kape ve̱ veren iti Yam sha Mbaiserael la; Mo Me veren ve doo doo.

Numeri 6:27 Iomraidhean Croise

Genese 32:26

Nan kaa er: Pasem, gadia sev mbu aven. Kpa a kaa er: Me pase u ga, saa ú verem doo doo ve.

Genese 32:29

Yakob pine un er: Shi kaam iti you. Nan kaa er: Inja na nan man u pin iti yama? Tsô maa nan ver un doo doo hen ijiir la.

2 Samuel 7:23

Ka hanma ikurior igen sha won i lu er ior Ou Iserael nahana, i Aôndo A za yem i er i̱ hingir ior Nav jim, sha u iti Na i̱ za sha won, man sha u Una er uzegembaakaav sha ci ve kua akaa a cieryol sha ci u tar Wou, sha ishigh ki ior Ou, mba U yem ve sha ci Wou ken Igipiti sha ikev i atôatyev man mbaaôndo veve?

1 Kroniku 4:10

Yabeshi sôn Aôndo u Iserael er: Ma U verem doo doo, ma U seer tar wam, uwegh Ough ma ku lu a mo, ma U yemen, kwaghbo ma a tserem ga. Tsô Aôndo er un kwagh u a sôn la.

2 Kroniku 7:14

man aluer ior Av mba i yer ve sha iti Yam ne, vea hide a ayol a ve ijime, vea er msen vea ker ishigh Yagh, vea undu igbenda i ifer ve yô, Me ungwa Sha, Me de ve akaabo a ve, shi Me sôr tar ve kpaa.

Upasalmi 5:12

Gadia U ver orperapera doo doo, TERE, U kase un a mkomshima er ka sha akuvautya nahan.

Upasalmi 67:7

Aôndo Una ver se doo doo, man akighir a tar cii aa cia Un. Ngun ka sha ci u orhemen u mbawanatsam. Ka Pasalmi u Davidi. Ka icam

Ekesodu 6:3

M ande hen Aberaham man Isaka man Yakob, Mo Aôndo Uhembanagee, kpa iti Yam i TER (ka Yehova je la) ne yô, ve fa ga.

Yesaia 43:7

hanmô u i yer nan sha iti Yam, u M gbe nan sha ci u icivir Yam, u M maa nan, u M er nan la.

Yeremia 14:9

Ka nyi man U hingir er or u i kondo nan iyol, er orageegh u nan fetyô u yiman or ga nahana? Nahan kpaa U ngu her atô wase TERE, mba yer se sha iti You; de undun se ga!

Numeri 23:20

Nenge, i nam zwa er m̱ na iveren; Un A na iveren kera ve, mo me fatyô u geman i kposo ga.

Mateu 28:19

Nahan yô, za nen, za gema nen akuraior cii a̱ hingir mbahenen, eren nen ve batisema ken iti i Ter man Wan man Icighan Jijingi.

Mbaefese 1:3

I̱ wuese Aôndo, Ter u Ter wase Yesu Kristu u A ver se sha hanma iveren i dedoo i ken jijingi sha ajiir a Sha ken Kristu.

Duteronomi 28:10

Akuraior a sha won cii aa nenge er i lu yilan we sha iti i TER yô, nahan aa cia.