Numeri 6:25 - ICIGHAN BIBILO

²⁵ TER A̱ er ishigh Nagh ki̱ wanger sha a we, A̱ zungwe u mhôônom;

Numeri 6:25 Iomraidhean Croise

Genese 43:29

A kende ashe, a nenge a idyondon na Benyamin, wan u ngô na, a kaa er: Ka un u masetyô u iyange ne ôron mo kwagh na nee? Shi a kaa er: Aôndo A̱ zungwe u mhôônom wan wam.

Upasalmi 119:135

Er ishigh You ki̱ wanger sha wanakiriki Wou, shi tesem akaawan a Ou kpaa.

Upasalmi 21:6

Gadia U ver un Wer, a̱ lu a iveren i tsôron, U na un, a ember, saan un iyol sha ishigh You.

Upasalmi 31:16

Na er ishigh You ki̱ wanger sha wanakiriki Wou, yimam sha erdoo Wou.

Upasalmi 4:7

U nam iember ken ishima i hemba i ve shighe u iyiagh vegh man wain ve ngee la.

Upasalmi 67:1

Aôndo A̱ zungwe se mhôônom, A̱ ver se doo doo; A̱ er ishigh Nagh ki wanger hen a vese; Sela.

Upasalmi 80:19

TERE, Aôndo u akum a Sha hide a vese; er, ishigh You ki̱ wanger, se̱ war. Ngun ka sha ci u orhemen u mbawanatsam; i ver un sha ikenge i Gititi. Ka Pasalmi u Davidi

Upasalmi 80:7

Aôndo u akum a Sha hide a vese; er, ishigh You ki̱ wanger, se̱ war.

Upasalmi 86:16

Gema her a mo, zungwem mhôônom, na wanakiriki Wou agee Ou, yima wan u wanye Wou u kwase.

Ekesodu 33:19

A kaa er: Me er mdoom Am cii maa kar sha ishigh you, shi Me yôô iti i TER sha ishigh you kpaa; Me rumun or sha mhôôn, u i lum pe rumun nan yô; Me zungwe or mhôônom u i lum pe zungwen nan yô.

Daniel 9:17

Hegen yô, Aôndo wase, ungwa msen u wanakiriki Wou, man uzamber nav, na ishigh You ki̱ wanger sha icighanjiir Wou u a hingir ice la, sha ci u iti i Ter.

Malaki 1:9

Hegen yô, shi zamber nen Aôndo, A̱ zungwe se mhôônom; ka ne ne er akaa ne ye; nahan kpaa shi Una rumun mô wene? Kape TER u akum a Sha A kaa ne.

YOHANE 1:17

Gadia i na atindiakaa a va sha ikev i Mose, kpa mrumun u sha mhôôn man mimi yô, gema ka ken Yesu Kristu ve va ye.

Mbaromanu 1:7

Ne mba ne lu ken Roma mba ne doo Aôndo ishima la cii mba i yer ne er ne̱ lu uicighanmbaiorov la, mrumun u sha mhôôn a̱ lu sha a ven kua bem mba ve dugh her Aôndo Ter wase man Ter Yesu Kristu kpaa.