Numeri 6:20 - ICIGHAN BIBILO

²⁰ Nahan pristi a̱ cia a mi, a̱ hingir nagh ku cian sha ishigh ki TER; a̱ lu icighankwagh u pristi, kua gugu u i cie a mi man namegh ku kenden sha; ken masetyô yô, ornaseri la, nana̱ gba man wain.

Numeri 6:20 Iomraidhean Croise

Orpasenkwagh 9:7

Yô, ya kwaghyan wou a iember, ma wain wou a iember ken ishima, gadia Aôndo vande rumun ityom you kera ve.

Yesaia 25:6

Sha uwo ne TER u akum a Sha Una yôr akuraior cii iwer sha akaa a wan ahôm, iwer i sha wain u atse a akase na, sha akaa a ahômough a a mgbough a mshiam, sha wain u tse u i kase un dedoo yô.

Yesaia 35:10

Mba TER A paa ve la vea hide, vea va a icam i wan hen Shion; iember i tsôron ia lu ve sha ityou; vea zua a msaanyol kua iember, ishima i vihin kua ishima i shirin ia yevese kera.

Levitiku 10:15

Namegh ku kenden sha man gugu u cian la yô, ve̱ vaan a mi a iniav mbi usuv mbi sha ahôm mbila imôngo, sha er vea na nagh ku cian mi sha ishigh ki TER, i̱ hingir kwagh wou a ônov ou, ka kwar wen u gbem je la, er TER kaa nahan.

Levitiku 23:11

a̱ cia ile la sha ishigh ki TER, sha er á rumun ne yô; kpernan iyange i dondon sha iyange i memen la, pristi a̱ cia u.

Levitiku 7:30

ka ave a nan iyol i nan je a̱ va a iniav mbi TER mbi usuv ye, nana̱ va a ahôm man gugu; gugu yô, ka sha u cian a cia a mi, a̱ hingir nagh ku cian sha ishigh ki TER.

Levitiku 7:31

Pristi a̱ nande ahôm la sha atse; kpa gugu la yô, a̱ lu u Aron a ônov nav.

Levitiku 7:32

Namegh ku yanegh yô, gema na nen pristi, ku̱ lu nagh ku kenden sha ken iniav mbi sôngon mbi iniav yenev mbi bem.

Levitiku 7:34

Gadia gugu u cian a mi la, kua namegh ku kenden sha la, M ngohol hen Mbaiserael ken iniav mbi sôngon mbi iniav vev mbi bem, M gema M na pristi Aron a ônov nav, ka kwar ve u gbem, u Mbaiserael vea naan ve yô.

Levitiku 9:21

kpa ugugu kua namegh ku yanegh yô, Aron cia ve, hingir nagh ku cian sha ishigh ki TER, er Mose kaa nahan.

Sekaria 10:7

Eferaim kpaa una hingir er orageegh yô, ishima ve ia ember er ka vea ma wain nahan; ônov vev vea nenge nahan, vea ember, ishima ve ia ember ken TER.

Sekaria 9:15

TER u akum a Sha Una kura ve, vea ya, vea ndyar angahar sha awen a ken mzu; vea ma, vea yôôso er ve ma wain nahan, á iv ve er ka gbande nahan, man er ka azongo a atse a nanden nagh sha mi nahan.

Sekaria 9:17

Mdoom vem gba ikôr, mdooashe ve kpaa vese gande! Samuyia ua er mbayevikaior man wain u he kpaa una er mbayevkasev vea gume.

Numeri 18:18

Inyam ve i̱ lu i you, er vanger u cian a mi kua namegh ku yanegh nahan, kape ia lu i you la.

Numeri 5:25

Pristi a̱ ngohol nagh ku sha samuyia ku iyol i wan sha kwagh, sha ikev i kwase la, a̱ cia nagh ku sha samuyia kura sha ishigh ki TER, a̱ va a ku hen atse a nanden nagh sha mi;

Numeri 6:21

Ka tindi u ornaseri u nan tsegh zwa je ne, ka nagh ku nana̱ na TER sha ci u mtsegh u nan la, kua akaa agen a nan fetyô u nan yô; er nan tsegh zwa la, nana̱ er di sha tindi u mtsegh u i tsegh nan er nan lu ornaseri la.

Mateu 26:29

Kpa Me kaa ne, mayange Me kera ma zar u atam a kon u wain ne ga zan zan sha iyange i Me ma u hegh a ven imôngo sha tartor u Terem.

Marku 14:25

Mimi je M kaan ne ne, mayange me kera ma zar u atam a kon u wain ne ga, zan zan iyange i Me ma u hegh sha tartor u Aôndo.

YOHANE 19:30

Yesu ngohol vineger la yô, A kaa er: Bee ve. Tsô A suwa ityough, A na jijingi Na kera A sule.