Numeri 6:15 - ICIGHAN BIBILO

¹⁵ man ikese i bredi u i we kwa sha mi ga yô, man umasa mba sha mwem ma kengese ma i nongo mkurem sha mi yô, man umasa mba par par mba i we kwa sha mi ga, i shigh a shighe ve mkurem yô, man nagh ku sha samuyia man iniav vev mbi man mbi maghen sha mi la.

Numeri 6:15 Iomraidhean Croise

Ekesodu 29:2

man shi tôô bredi u i we kwa sha mi ga, man umasa mba i we kwa sha mi ga, mba i nongo sha mkure yô, man umasa mba par par mba i we kwa sha mi ga, mba i shigh ve mkurem yô. Ka sha mwem ma alakema ma kengese ú er ve ye.

Yesaia 62:9

kpa mba ve kur a mi la, vea ya un man vea wuese TER; man ve mba ve kohol un kpaa, ka ve, vea ma un ken ityembe i icighanjiir Wam ye.

Yoel 1:13

Ta nen ikondo uya, zungwe nen, ne upristi, ngor nen mliam ne mbatomov mba atse a nanden nagh sha mi; nyôr tsa nen a ikondo uya, ne mbatomov mba Aôndo wam; gadia i kar a nagh ku sha samuyia man ku man ken iyou i Aôndo wam kera.

Yoel 1:9

Nagh ku sha samuyia man nagh ku man tôndo ken iyou i TER; upristi, mbatomov mba TER, mba zungwen.

Yoel 2:14

Ka an nan fe er alaghga Una gema awashima Na, man Una undu iveren ken ijime Na— ka nagh ku sha samuyia man ku man, ku nan TER, Aôndo wen je la.

Levitiku 2:4

Zum u wea naan nagh ku sha samuyia ku kaan a kaa sha atse yô, i̱ lu umasa mba i we kwa sha mi ga, mba sha mwem ma kengese ma i nongo mkurem sha mi yô, gayô, i̱ lu umasa mba par par mba i we kwa sha mi ga, mba i shigh a shighe mkurem sha mi yô.

Levitiku 7:12

Aluer nana va a mi á lu nagh ku iwuese yô, nana̱ va a nagh ku iwuese la, a umasa mba i we kwa sha mi ga, mba i nongo mkurem sha mi yô, man umasa mba par par mba i we kwa sha mi ga, mba i shigh ve mkurem yô, man mba i her ve sha mwem ma kengese ma i we mkurem sha mi yô.

Levitiku 8:2

Va a Aron kua ônov nav a na imôngo, man akondo la man mkurem ma shighen man nombua u nagh ku isholibo man anomaiyôngo ahar kua ikese i umasa mba i we kwa sha mi ga yô;

Levitiku 9:4

man shi nombua kua nomiyôngo sha ci u nagh ku bem ku sôngon sha ishigh ki TER man nagh ku sha samuyia ku i we ku mkurem yô; gadia nyian TER ngu anden her a ven.

Numeri 15:10

Man shi na wain sha ci u nagh ku man, a̱ kuma vegher u hin, ka nagh ku usugh ku human doon TER je la.

Numeri 6:16

Pristi a̱ va a mi sha ishigh ki TER, a̱ na nagh ku nan ku isholibo man nagh ku nanden;

1 Mbakorinte 10:31

Nahan yô, aluer nea yaan kwagh, shin nea maan kwagh shin nea eren nyityô kwagh kpaa, eren nen akaa cii sha ci u icivir i Aôndo.

1 Mbakorinte 11:26

Gadia hanma shighe u nea yaan bredi ne man shi nea maan iyôngo ne yô, ka ku u Ter je ne lu yôôn u ye; zan zan Una kar van.