Numeri 5:9 - ICIGHAN BIBILO

⁹ Hanma nagh ku kenden sha sha uicighanmbaakaav mba Mbaiserael cii, ku ve va na pristi yô, ku̱ hingir kwagh na je.

Numeri 5:9 Iomraidhean Croise

Ekesodu 29:28

ve̱ hingir kwar u Aron kua ônov nav gbem je, u Mbaiserael vea naan ve yô, gadia ka nagh ku kenden sha je, ka nagh ku kenden sha, ku Mbaiserael ve̱ kenden ku sha, sha iniav vev mbi bem, ka nagh vegh ku kenden sha ku ve ne TER je la.

Levitiku 10:13

yaan nen ku ken icighanjiir, gadia ka kwar wou a ônov ou, u i dugh ken iniav mbi usuv mbi TER je la; gadia kape i kaam la.

Levitiku 10:14

Man gugu u cian kua namegh ku kenden sha yô, yaan nen ken ijiir i wang, we kua ônov ou mba nomso man mba kasev kpaa, gadia i na u, ka kwar wou a ônov ou, u i dugh ken iniav mbi bem mbi Mbaiserael je la.

Levitiku 10:15

Namegh ku kenden sha man gugu u cian la yô, ve̱ vaan a mi a iniav mbi usuv mbi sha ahôm mbila imôngo, sha er vea na nagh ku cian mi sha ishigh ki TER, i̱ hingir kwagh wou a ônov ou, ka kwar wen u gbem je la, er TER kaa nahan.

Levitiku 6:26

Pristi u a ne ku sha ci u isholibo la, ka un una yaan ku ye; i̱ yaan ku hen icighanjiir je, ka hen tembe u tenti u kohol ker la.

Levitiku 7:32

Namegh ku yanegh yô, gema na nen pristi, ku̱ lu nagh ku kenden sha ken iniav mbi sôngon mbi iniav yenev mbi bem.

Levitiku 7:34

Gadia gugu u cian a mi la, kua namegh ku kenden sha la, M ngohol hen Mbaiserael ken iniav mbi sôngon mbi iniav vev mbi bem, M gema M na pristi Aron a ônov nav, ka kwar ve u gbem, u Mbaiserael vea naan ve yô.

Numeri 18:19

Iniav mbi kenden sha, mbi uicighanmbaakaav cii, mbi Mbaiserael ve ne TER yô, M na u mbi a ônov ou mba nomso man mba kasev a we imôngo, ka kwar wen gbem; we a tsombor wou, á lu ne ikuryan i bar gbem, sha ishigh ki TER.

Numeri 31:41

Tsô Mose na pristi Eleasar kpandegh ku ku lu nagh ku kenden sha ku TER, er TER kaa Mose nahan.

Numeri 5:8

Kpa aluer or la nana lu a orpaan u nana ngohol kwagh u á hide a mi la ga yô, nahan kwagh u á hide a mi la, una hingir kwagh u TER, ka kwagh u pristi je la, kua nomiyôngo u wamen a mi kpaa u a na iwom a mi sha ci u nan la.

Duteronomi 12:26

Kpa uicighanmbaakaav ou mba u lu a mi man uiceghzwa ou yô, tôô ve za a mi hen ijiir i TER Una tsuwa la.