Numeri 5:3 - ICIGHAN BIBILO

³ Shin a lu nomsoor shin a lu kwase kpaa, due nen a ve, ve̱ yem ve̱ za lu ken akôngoafogh, sha u ve̱ de hôngor afo ve, a Mo M tem ker la ga.

Numeri 5:3 Iomraidhean Croise

1 Utor 7:3

Man i san i sha ikon i sedar sha, sha ukpo mba ayoughouv akunduahar kar utaan mba ve lu sha mtô la; sha nongo môm a lu pue kar ataan.

Upasalmi 68:18

U kôndo U yem Sha, U yem a mbakwarev uikangen, U ngohol uiwua hen ior, een, zan zan hen mbahendan kpaa, sha er TER Aôndo Una tema a ve imôngo yô.

Ekesodu 25:8

Shi ve̱ erem icighanjiir sha er Me tema ve her atô yô.

Ekesodu 29:45

Man Me tema a ônov mba Iserael imôngo, Me lu Aôndo ve kpaa.

Yesaia 12:6

Genger imo, er ikenge, we u u tem ken Shion ne, gadia Icighan u Iserael u A tem hen atô wou ka u hemban cii je.

Levitiku 14:8

Man shi or u i lu wanger nan ave la, nana̱ ôô ikondo i nan, nana̱ hondo ice iyol kera ca ca, nana̱ ôô iyol sha mnger, tsô nana hingir wang, man nana mase nyôron ken afo ye; kpa nana̱ tsa ken kungur u tenti u nan ayange ataankarahar.

Levitiku 15:31

Kape wanger nen Mbaiserael sha er ve̱ de kpeen sha mlu ve u wang ga la ga, er ve gbe hôngor a tabernakel Wam u a lu ve her atô la yô.

Numeri 16:3

tsô ve kohol, ve hingir ayongo a Mose man Aron, ve kaa a ve er: Ne ya kuma ve, gadia ior cii ka uicighanmbaiorov, hanma or kpaa; TER ngu a ve; man ka nyi ne kenden ayol a en sha je er ne hemba ior i TER cii nahana?

Numeri 19:22

Hanma kwagh u or u nan lu wang ga la, nana bende a mi yô, una kera lu wang ga; shi orgen u nan bende a kwagh la kpaa, nana kera lu wang ga, zan zan iyange ia kar been.

Numeri 35:34

De hôngor nen a tar u ne tem ker, u Mo M tem hen atô u u ne ga; gadia Mo TER M tema hen atô u Mbaiserael.

Numeri 5:4

Tsô Mbaiserael er nahan, ve due a ve er ve̱ za lu ken akôngoafogh; er TER kaa Mose nahan, kape ônov mba Iserael ve er la.

Duteronomi 23:14

gadia TER, Aôndo wou, zenden ken atô u afo ou, sha u yiman we, nan we mbaihomov ou sha ikev, nahan yô, afo ou a̱ lu wang, A̱ de nengen a kwagh u vihin her a we, A̱ undun we ga.

Duteronomi 23:15

Kpan u a yevese ter na a va nyer hen a we yô, de ne un sha ikev i ter na ga,

2 Timoteu 3:6

Anmgbianev, se mba wan ne kwagh ken iti i Ter Yesu Kristu ser, kem nen ayol sha hanma anmgbian u nan zenden nzughul nzughul, i kera lu sha ityesen i ne ngohol hen vese la ga yô.

Titu 3:10

Or u van a mpav ken nongo u Kristu yô, wa nan kwagh kwa môm shin kwa har nahan, tsô ú de kwagh u nan,

Mpase U Yohane 21:27

Ma kwagh u lun wang ga shin ma or u eren akaa a ndôhôr ishima shin u eren aie vea nyôr ker ga, saa mba i nger ve ken ruamabera u uma u Waniyôngo la vea nyôr ker ye.

Mpase U Yohane 21:3

Shi m ungwa zegeimo due ken ikônough ki torough kila kaa er: Nenge, tenti u Aôndo ngu hen ior, Una tema a ve, vea lu nongoior Na, Aôndo iyol Na Una lu a ve.