Numeri 5:27 - ICIGHAN BIBILO

²⁷ Una na kwase mngerem mara una maan yô, aluer una hôngor iyol na, una er nom na kwaghbo yô, mngerem ma van a ifan mara maa nyôr un ken uya, maa gba nyoon un, iyav nav mbua mor, akooso na aa uma, kwase la una hingir kwagh u wan ifan a mi hen ior nav.

Numeri 5:27 Iomraidhean Croise

Upasalmi 109:18

A̱ cir ityuhwanev iyol er ka ikondo na yô, mbi̱ nyôr un ken semayolough er mngerem nahan, man er mkurem nahan ken akuhe a na!

Orpasenkwagh 7:26

Tsô m gema m zua a kwagh ugen ua hembe yuan a ku yô; ka kwase u ishima i nan i lu ityamberev mbi hônon kua ukper yô, ave a na kpaa a lu mshirim; or u i doo Aôndo a nan yô, nana war un, kpa orsholibo yô, una gema á kôr nan.

Yesaia 65:15

Nea undu uicuwan Av iti yen la ia hingir ve kwagh u wan ifan a mi, Ter AÔNDO kpaa Una wua u kera; kpa mbayev Nav yô, Una ii ve iti igen kposo;

Yeremia 24:9

Me gema ve vea hingir ityartor i sha won cii kwagh u tumbul a min ave, man u timin kera, sha u eren ve kwagh u bo; vea hingir kwagh u iheenegh man u ôron injakwagh a mi, man ilyahan man kwagh u lun a ifan iyol ken ajiir a Me zenda ve vea yem ker la cii.

Yeremia 29:18

Me zenda ve ityô a sanker, man ijen kua bouange, Me na ve sha u i̱ tumbul a ve ken ityartor i sha won cii, ve̱ hingir kwagh u lun a ifan iyol man kwagh u cieryol man kwagh u gbiren iwer a mi, man kwagh u aheenegh, ken akuraior cii a M zende ve ve yem ker la;

Yeremia 29:22

man ka sha a ve mbauikangenev mba Yuda mba ve lu ken Babilon la cii vea dugh kwaghôron u wan ifan a mi er: TER A̱ gema u, hingir er Sedekia man Ahaba nahan, mba tor u Babilon lu mgbagh ve sha usu la,

Yeremia 42:18

Gadia TER u akum a Sha, Aôndo u Iserael, ngu kaan nahan er: Er i hee ishima Yam i vihin man iyugh Yam sha mba ve tem ken Yerusalem nahan, kape á haa iyugh yam sha a ven je la, zum u nea nyôr ken Igipiti yô; nea hingir kwagh u i we un ifan, man kwagh u cieryol, man ityuhwanev, man kwagh u aheenegh; man nea kera nenge ijiir ne mayange ga.

Yeremia 44:12

Me kura asande a Yuda a a shi her a a ver ishigh u zan ken tar u Igipiti sha u za teman shir keregh la kera, ve cii vea saa ishe ken tar u Igipiti; vea kpe ku u sha sanker, ijen ia wua ve, hii sha mbakiriki zan zan ar sha mbavesen; vea kpe ku u sha sanker kua ijen vea hingir kwagh u i we un ifan man kwagh u cieryol man kwagh u ityuhwanev man kwagh u aheenegh.

Sekaria 8:13

Tsô, er ne lu a ifan iyol ken akuraior nahan, we, ya u Yuda man ya u Iserael, kape Me yima ne la, man nea hingir iveren; de kera cie nen ga, taver nen ave a en.

Numeri 5:20

kpa aluer u kaha er u lu a nomu ne, u hôngor iyol you, orgen u nan lu nomu ga nan yav a we yô,

Numeri 5:28

Kpa aluer kwase la una hôngor iyol na ga, una lu wang yô, una war una mar ônov.

Mbaromanu 6:21

Shighe la lu nyi injar ne zua a mini? Lu akaa a kunya u ker ne sha mi hegen ne. Man mkur u akaa angara yô, ka ku je.

2 Mbakorinte 2:16

Mbagenev yô, ka ve ihuma i kuugh i zan ken ku. Mbagenev di yô, ka ve ihuma i uma i zan ken uma. Ka an je nan kom sha akaa nee?

Duteronomi 28:37

Ú hingir kwagh u cieryol, man kwagh u veren ishor a min man kwagh u wan ishenge a min ken akuraior cii, henpe TER Una za a we yô.

2 Peteru 2:10

Man jim je yô, ka mba ve zenden sha inja i iyolough sha isharen i hôngorough, ve lahan mba i ver ve ve lu a tahav la cii. Ve cihi kwagh, ve wa apera, u tuhwan mba ve engem mbala kpaa ka cier ve iyol ga.