Numeri 4:32 - ICIGHAN BIBILO

³² man mtôm ma ma kasen tembe la, man agbur a ma, man amande a ma kua ikor i ma a ikav mbi tomov cii, man akaa a eren sha mi cii; tesen nen ve ikav mbi tomov sha ati ati, mbi vea tôôn yô.

Numeri 4:32 Iomraidhean Croise

1 Kroniku 9:29

Shi i ver mbagenev kpaa sha u kuran ikav mbi ken iyou la, man uicighanmbaakaav cii, man shi u kuran mwem ma kengese man wain man mkurem man kwaghhumandoon kua ilyôghonov.

Ekesodu 25:9

Er M tese u akaa ne nahan, ikav i tabernakel, man ikav i akaa a keregh cii, kape za er nen un je la.

Ekesodu 27:9

Man shi kase kwa, wa tembe u tabernakel atô; vegher u ken imbusutariyan ken ian i imbusutariyan la, akondo a kasen tembe a mi la, a̱ lu ikondo i pupuu i kôngor i sha mou u̱ sendan; iniembe i vegher u môm i̱ lu aseva deri;

Ekesodu 38:17

Agbur a mtôm lu a togula; uiwever mba mtôm kua ahye a ma la, lu mba azurfa; sha ityouv mbi ma la kpaa, i cir mbi azurfa; mtôm ma tembe cii lu a ahye a azurfa.

Ekesodu 38:21

Inyaregh ki i er tabernakel a min ne, ka tabernakel u shiada la, er i ôr iyenge i ki sha imo i Mose yô, lu Mbalevi ve ôr ki sha ikev i Itamar wan u pristi Aron ye.

Numeri 3:36

Tom u i ver ônov mba Merari sha mi yô, lu u nengen sha mtôm ma ipeem ma tabernakel man itiran na man mtôm nam man agbur a ma a ikav nav cii, kua tom na cii;

Numeri 3:8

ve̱ kuran ikav mbi tenti u kohol ker la cii, shi ve waan iko sha tom u Mbaiserael ve̱ eren tom u tabernakel la.

Numeri 4:31

Ikav mbi vea tôôn, sha kwagh u tom ve u ken tenti u kohol ker la cii yô, ka mtôm ma ipeem ma tabernakel man itiran na man mtôm nam man agbur a ma;

Numeri 4:33

Ka tom u uipaven mba ônov mba Merari je ne, ityom ve cii sha tenti u kohol ker la; lu Itamar wan u pristi Aron nengen sha ve ye.

Numeri 4:49

Ka sha imo i TER i ôr iyenge ve sha ikev i Mose ye, hanma or sha tom u nan man sha ikav nav mbi tôôn; kape i ôr iyenge ve la, er TER kaa Mose nahan.

Numeri 7:1

Tsô sha iyange i Mose tim tabernakel kera la, a shighe un mkurem a tsegha un kua ikav mbi kimi cii, man atse a nanden nagh sha mi kua ikav mbi a cii kpaa; er a shighe mbi mkurem a tsegha mbi kera la,

Numeri 7:8

akeke anyiin man ibua anigheni, a na ônov mba Merari, sha mlu u tom ve, sha ikev i Itamar wan u pristi Aron.