Numeri 4:25 - ICIGHAN BIBILO

²⁵ Ve̱ tôôn akondo a tabernakel man tenti u kohol ker la man kwagh u cirin un a mi, man kwaghcirin mi u i er sha akôv a ayu yô, u a masen sha la, man kwagh u yisan hunda u tenti u kohol ker la a mi;

Numeri 4:25 Iomraidhean Croise

Ekesodu 26:1

Man shi er tabernakel la sha akondo a yisan pue; sha ikondo i pupuu i kôngor i sha mou u sendan man i kwel man i̱ nyian dindee man i nyian bong a ucerubi sha mi, i̱ lu or u fan eev nana̱ er ye.

Ekesodu 26:14

Er kwagh u cirin tenti a mi sha akôv a anomaiyôngo a i nyian a yô; man kwagh u cirin un sha akôv a ayu, a̱ mase sha.

Ekesodu 40:19

A samber tenti sha tabernakel la, a gema kwagh u cirin sha tenti la kpaa, a cir sha mi; er TER kaa Mose nahan.

Numeri 1:50

kpa ver Mbalevi ve̱ nengen sha tabernakel u shiada man sha ikav nav cii, kua sha hanma kwagh u a lu u na kpaa; ka ve vea tôôn tabernakel a ikav nav cii, man ka ve vea eren tom na kpaa, shi vea haan afo a ve, vea kasen tabernakel ye.

Numeri 4:24

Kwagh u uipaven mba Mbagershon vea eren sha kwagh u tom la man ikav mbi tôôn yô, ka un ne:

Numeri 4:6

shi ve̱ cir kwaghcirin a mi, u i er sha akôv a ayu yô, man ve̱ mase samber ikondo i lun kwel cii sha mi, shi ve̱ shindi igbough nagh kpaa.