Numeri 4:18 - ICIGHAN BIBILO

¹⁸ De rumun nen ner i̱ tim kwe u uipaven mba Mbakohati ken Mbalevi kera ga;

Numeri 4:18 Iomraidhean Croise

Ekesodu 19:21

Tsô TER kaa a Mose er: Hungwa, za kaa ior, ve̱ de aver ve̱ zaan hen TER er vea va kenger man ior kpishi vea gema vea tim ga.

Ekesodu 30:33

Hanma or u nana nungwa magenem er ma nahan, shin hanma or u nan haa or u ken inya ma iyol yô, i̱ dugh nan ken nongo u nan kera.

Ekesodu 30:38

Hanma or u nana er ugen er ngun nahan, nana ungwan ihuma na yô, i̱ dugh nan ken nongo u nan kera.

Yeremia 38:23

Á due a kasev ou cii kua mbayev ou, á va a mi hen Mbakaldi; man we kpaa ú war sha ikev ve ga, kpa uwegh ku tor u Babilon kua kôr u, man ka we je u na á nande gar ne sha usu ye.

Numeri 16:32

inya aver zwa u i, mena ve man ônov vev kua ior mba Koraki cii, a akaa ve cii.

Numeri 17:10

TER kaa a Mose er: Hide a gbough ku Aron ver sha ishigh ki Shiada, i̱ koso ku her, ku̱ lu ônov mba ihembeato ikav, sha u u̱ bee ahon a ve, a ve honom la, sha er vea kera kpe ga yô.

Numeri 18:5

Eren nen tom u icighanjiir kua tom u atse a nanden nagh sha mi kpaa, sha er i̱ de kera shi yuwen a Mbaiserael ga yô.

Numeri 3:27

Uipaven mba Kohati yô, ka ipaven u Mbaamram man ipaven u Mbaisehar man ipaven u Mbaheberon man ipaven u Mbaushiel, ka uipaven mba Mbakohati je la.

Numeri 4:17

TER ôr kwagh a Mose man Aron kaa er:

Numeri 4:19

kpa er nen a ve nahan, sha er vea lu uma, vea kpe ga yô, zum u vea kporom hen uicighanmbaakaav yô, Aron a ônov nav ve̱ nyôr ve̱ ver hanma or sha tom u nan man ikav mbi nan;

1 Samuel 6:19

Tsô A wua ior mba Bete-Shemeshi sha ci u ve kenger areki u TER yô; A wua ior akunduatargber, ior akunduahargber sha dubu; nahan ior zungwe sha ci u TER A woo ior kpishi yum yô.