Numeri 4:14 - ICIGHAN BIBILO

¹⁴ ve̱ gema ikav mbi á cii, mbi i eren tom a mi, ve̱ penda sha mi; ugbande mba tôôn usu a mi man iyôv mbi dughun inyam a mi man indyuhar kua utasa, ikav mbi atsegh cii; ve̱ samber kwaghcirin a mi, sha mi, u i er sha akôv a ayu yô, ve̱ shindi igbough i a.

Numeri 4:14 Iomraidhean Croise

2 Kroniku 4:19

Solomon er ikav mbi ken iyou i Aôndo cii, atse a nanden nagh sha mi a zenaria, man utebul mba ve lu a ubredi mba sha ishi sha mi la;

Ekesodu 27:1

Man shi er atse a nanden nagh sha mi, sha kon u saa, iniembe i a i̱ lu aseva ataan, igbanger i a kpaa, i̱ lu aseva ataan, a̱ lu akuku; ityaven i̱ a i̱ lu aseva atar.

Ekesodu 27:3

Shi er ityev mbi a sha ci u kuran a mtwem, man indyuhar i a, man utasa mba a, man iyôv mbi a mbi dughun inyam a mi, man ugbande mba tôôn usu a mi; ikav mbi a cii, er mbi sha togula.

Numeri 4:13

Ve̱ kura mtwem sha atse a nanden nagh sha mi, ve̱ cir ikondo i nyian dindee sha mi;

Numeri 4:15

Zum u Aron a ônov nav vea cir icighanjiir man ikav mbi icighanjiir kera, shighe a kuma u hemben hen afo la yô, ken masejime la, ônov mba Kohati ve̱ va tôô, kpa ve̱ de benden uicighanmbaakaav ave ga, sha er vea kpe ga yô. Ka ikav mbi tenti u kohol ker, mbi ônov mba Kohati vea tôôn je ne.

Numeri 4:6

shi ve̱ cir kwaghcirin a mi, u i er sha akôv a ayu yô, man ve̱ mase samber ikondo i lun kwel cii sha mi, shi ve̱ shindi igbough nagh kpaa.