Numeri 35:8 - ICIGHAN BIBILO

⁸ Agar a né tsuwa ken kwar u Mbaiserael yô, mba ve ngee yô, ngohol nen hen ve i̱ ngee; mba ve lu kpuaa yô, ngohol nen hen ve kpuaa; ka sha mlu u dyako u vea ya la man vea pande agar a ve, vea na Mbalevi ye.

Numeri 35:8 Iomraidhean Croise

Genese 49:7

Ifan i̱ kôr ishimanyoon ve la, gadia i tiaver gande, man iyugh ve la kpaa, gadia i vihi yum; me pav ve, ve̱ lu wue wue ken Yakob, me sambe ve ken Iserael.

2 Kroniku 11:14

Gadia Mbalevi undu ajiir a ve a ilev yan toho her, man akaa a ve, ve va hen Yuda kua ken Yerusalem; gadia Yerobiam kua ônov nav ta ve kera, er ve̱ de kera eren TER tom u pristi ga;

Ekesodu 16:18

Kpa zum u vea karen sha ikaren i omer yô, un u a kor kpishi la kwagh neer un ga, man un u a kor kpuaa la kpaa, kwagh yina un ga; hanma or kura sha mye u nan vough.

Levitiku 25:32

Kpa agar a Mbalevi yô, ayou a ken agar a a lu a ve yô, Mbalevi vea lu a ian i paan a hanma shighe cii.

Numeri 26:54

Mba ve ngee yô, na ve dyako a̱ ngee; mba ve ndahar yô, na ve dyako a̱ ndahar; na hanma kwe dyako sha mlu u iyenge i u la.

Numeri 33:54

Ya nen dyako u tar la sha ishor i eren sha uipaven enev; mba ve ngee yô, na nen ve dyako a̱ ngee, mba ve ndahar yô, na nen ve dyako a̱ ndahar, henpe ishor i tese hanma or yô, hingir kwagh u nan heregh je ve; ka sha ikwe i uter enev, ya nen dyako ye.

Numeri 35:9

TER shi ôr kwagh a Mose A kaa er: